Mamallakta Tantanakuy shimita yanapashpa llankakun. Kayami shimipak ista puncha

Lunes, 22 de febrero del 2016 - 11:18 Imprimir Elaborado por: Sala de prensa
Asamblea trabaja en favor de las lenguas maternas. Mañana es su Día Internacional

Llaktapak, runallaktapak Derechos Lingüísticos kamachiymi 2016 watapi kallari llankay kanka. Shinami Mamakamachiy kawsaypurata, tawka kawsay tiyak rimashkata paktachin, Ecuador llaktapi kawsak tukuy rimaykunata sumaychana, ukllana. Kay ONU tantari shuktak rimashkakunatapash sumaychanka, shinami 21 puncha, panchi killata” Mama Shimipak Istapunchata shutichishka.

Kay shimi puncha kashkamanta, Alexandra Ocles, Ecuador llaktapi tawka shimikuna tiyashkamanta, llaktakunapak, runa llaktakunapak chika chikan kawsay tiyashkata riksichin, mana paykunalla rimana shimi kankachu, ayllullakta shimipak kikn kawsayta, charishkata, kikinkayta rikuchikmi kan.

Warmi kamachiy killkakmi kay Derechos Lingüísticos mushuk kamachiyta killkarka. Ecuador llaktata kawsaypurata, tawkasami kawsay tiyak Mamallakta rikuchinkapa nirka, ñawpa shimikunata ukllankapa, kawsayta kunkapa kan, kay maymutsurikmi kan. Shimita chinkachishpaka ñawpak wataman runa llakta mana tiyankachu.

Ñawpa rimaykuna, Ecuador llaktapika utkatami chinkarikun, imashinami allpapachapak shuktak kuskakunapi chinkarishka shinallatakmi chinkarinka. Chay Chimborazo markapi, yalli kichwa shimipi rimak kashkamanta, 1994 watapi 92% patsakri mama shimipi rimak karka, 2004 wtapika 30% patsakri runakunallami kichwa shimita rimak karka. Taripaykunapi rikukpika yapami kan.

Shinapash, shimipak kamachiyta charinaka mana paktachu kan, Alexandra Ocles kamachiy killkak nirka. Shimita ukllankapa, mirachinkapa rimakkunami derechos lingüísticos kamachiyta charina kan. Kay mushuk kamachiywanka Secretaría Nacional de Política Lingüística wasi wiñarinka, kay wasimi shimikunata nikinka.

Mamallakta Tantanakuy kay rikuywan ña llankamushka. Willay Kamachiypash llaktakuna, runa llaktakuna, yanallaktakuna, yunkallaktakuna paykunapak shimipi pacha rikuyta, kawsaytarpuyta kapukyachina, willanata charin nirka. Shinallatak Consejos Nacionales para la Igualdad Hatun kamachiyka, chay Consejo de Pueblos Nacionalidades tantarita wiñachishka, Mamakamachypi ushnushpa churashkatan paktachina riman.

Shinallatak, wanayta rikuchikunapi, Mishu shimimi kallaripi kan, kay shimiwan mana achiklla hamutachin, kikin shimipi rimakpika, shuk shimi tikrachikta charinami mutsurin.

LM/pv/jc-kichwa