kay Justicia y Estructura del Estado minkashkata kipapushak, Mariangel Muñoz kamachiy killkak, paymi Código Administrativo kamachiy hawa allita rimarka, kay kamachiytami Mamallakta Tantanakuypi rikukun, katikuy hawalla kachun, tawka kamachiykunata wiñachin, kay kamachiywan kamayman pushan.
Warmi Kamachiy killkakka llaktayukkuna mañayta katikuykuna tukuylla kamay ukupi harkarishka, shaykurishkami rikurin, wakinpika harkarishpa ima ñanta hapinata mana yacharin, kaymi tukuylla kamayta, kamachiywan kamayta, llaktayukkunapak hayñita llakichishka.
Pay Mariangel Muñoz kamachiy killkak, kay Código Administrativo kamachiy, Mamakamachiypak kallari nipakunata, tiksikunata, allikayta, kutsikuyta, achikllayta, chaypi kayta, llankayñanta rikuchin.
Kay Comisión de Justicia tantaripak munayka, llaktakunaman chayana yuyaymi kan, chaypak sapan puncha imatalla runakunaman riksichina ñantami wallpanka, runakuna chaypi kachun, ashtawankarin Código kamachiyka achka sumakruraymi kan, runakunapak kawsaymanta mana anchurinchu.
Kay código katikuyta hawalla katichik, utkachik nisha ninmi, llaktayukkunata yanapak, tantarishkakunata kushiyachik kanka; kamay katikuyta nikichik kan, runakunapura, kamaykunata nikichishpa allichinka.
Kay mushuk kamachiyka, 4 kamuta, 318 nikita, 14 hatun churashkakunata, 8 yallichinalla shurashka kan. Kay tukuytami chakita katishpa amawtaywan, kay rimaypi sumak yachakkuna, kikinllatak karupi kamachikkuna kimirishka kan. Shinallatak Procuraduría, Contraloría, Mamallaktapak kamaywasikuna, tukuylla awllikkunapash paykunapak yuyayta churashka.
RSA/pv/jc-kichwa
