Mushuk Desarrollo Artesanal kamachiyta llaktakunapi riksichina ñanmi tukurka, nikikuna runapak kawsaywan achkata kimirin.
Mamallaktapi tiyak tantarikunapak munayta, makirurak tantaripak munayta hapirka, shina paykunapak llankaywan kimirinka chakchurishka kamachiykuna shukpilla tukuchun mañarka.
Tayta Pablo Arias, Federación General de Artesanos de Pichincha, kay kamachiyka may sumakmi kan, makirurakta ukllan nirka. “Llankaykunata wiñachinchik, runata mana akllanchik, kullitapash mana rikunchik, kapukkunaka Mamallakta ñawpakman llukshichun achkatami yanapan”, maki ruraywan paktashkakunata ashtawan sinchiyachinka. “Ñukanchik mama kullkita charishkamanta, llankayman yaykuchishka kullkiwan achakata mirachina kanchik, shinapash shuk yanapak kamachiyta munanchik”, nirka.
Mana chikan chikan
Katunkapa, rantinkapa maruta akllashpa chayachichun mañan, mamakullkita purichin, chayka, 15 warankaman chayachin, sapan kapukkunapakmi chikan chikan maruta rurana tukun.
Kapukkuna, mitachipashmi kan, mana makiruraylla kanchu, maki rurashka kapukmi kan, hillaywan, churarinata ruraywan chikanmi kan. Kamachiy akllanata mana chirinchu, tukuykuna shuklla kamachiy ukupi llankachun, alli kapukkunata surkuchun, punchanta yachaykunami tiyan.
“Mamallakta Tantanakuy punkuta paskashkata charikmi rikurin. Achkakutinmi Comisión de Desarrollo Artesanal ukupi charirkanchik, chaypimi ñukanchikpak yuyaykutan charirkanchik, chay yuyaykunata yaykuchichun mañanchik”, tukuchirka.
MC/pv/jc-kichwa
