Mamallakta pushak “Manga del Cura” saywa kamachiyta kacharka

Miércoles, 15 de febrero del 2017 - 14:33 Imprimir Elaborado por: Sala de prensa

Mallakta Pushak, Rafael Correa, kay Fija el Límite Territorial mushuk kamachiyta kacharka, kay kamachiyka Guayas markawan, Manabí markawan saywanka, chayka “Manga del Cura” kuskapimi sakirin.

Kay 27 puncha, kuski killa, 2015 watapi, chay llaktapi kawsak runakunata tapurka, chay tapuypika paykuna Manabí markapi sakirinkapa arinirka, Mamallakta Pushak kay llakita allichinkapa shuk kamachiyta arinina nirka.

Chay killkashka pankapi Secretaría Técnica del Comité Nacional de Límites (Conali) kamaywasi, aymuray killa, 2016 watapi, sumaruray willayta churarka, chay llaktapi kawsakkunata tapuytaka Mamakamachiypi, kamachiypi kimirishpami rurashkata rikuchin.

Mamallakta Pushak kay Fijación de Límites Territoriales kamachiypak 18 nikiwan kimirik, Guayas markapak, Manabí markapak saywa llakiwan kimirik rikurin, chayka Manga del Cura kuskapimi kan, shinami 1961 watapi killkashka pankapi rikurin nirka, chay watapimi Concejo Cantonal de Balzar kamachiyta churashka, chaywan Velasco Ibarra shulkata wiñachishka, Guayas llaktaman kimichirka.

Kay llakika saywata mana charishkamantami shina rikurin, saywata churak puncha mana pampapi shuyushpa shuk yuyaritalla charishpa, rikuchishkamantami kunankama llaki tiyan.

Kay kamachiyka kimsa nikita, shuk churaytami charin. Shukpika Manga del Cura saywatami riman.

LILA/pv/jc-kichwa