Kay Juan Pablo Jaramillo, kullkita rikuk, Marco Navas, hatun yanachana wasipi yachachik, llaktayta rikuk kan, kay Kimsa Atinakuy rimaypi karka.
Mamallaktapak willay hillaypi rimarka. Mamallakta Tantanakuyka llaktayukkunawan, ishkantin llankachun nirka, shina tukuy kamachiykuna tukuyta yanapanka, llankayñanta charinka nirka.
Mamallata Tantanakuy yalli chakchurishka kan, Jaramillo rimarka, tawka llaktay tantarikunami mashiyarishpa llankankapa yuyarinka, shina shamuk 4 watapi llaktayukkuna mutsushkata tikrachinka, chusku yuyaypi llankanka, chayka: churashka kullki hawa, taripay hawa, mushukyachina hawa, runakunata yaykuchina hawa kanka.
Kamachiy killkakkuna Mamallaktapak tiksi mutsuykunata hapishapa shuklla yuyayta charina Navas rimarka, chimpapura kaminakunata anchuchina nirka, piñanakuy tiyakpika Ecuador llakta ñawpakman richun mana paktana nirka.
Kay llaki ama tiyachun Mamallakta pushakwan yuyarishpa llankana riman, chikan yuyay llaktaytaka mana charina nirka. Llankaykuna mirarichun ñakarina, kullki shuwayta anchuchina, shuktak rimaykunatapash yapa churarka.
Imashinami, Juan Pablo Jaramillo, chikan chikan yuyay, mushuk llankay hawa kallaripika rimanakuna, paya mana alli yuyaytaka manyaman sakina nirka. Chayta rimashpami Marco Navas yachachikka, mushuk kamachiy killkakuna pukushka yuyayta charichun, llaktakunata yanapashpa arinichun mañarka, ama paya hatun tantariman tikrachun yuyachirka. “ ama kipita charik, uchpa ziklata ñawipi shitachun, pantachik, tiyakta rakik runa kachun mañarka”. Pakta runakunaman llankay tiyachun, llankak wasiman kullkita kuchun, mushuk yuyayta yanapak runa kachun nirka.
Rimakkuna, Mamallakta Tantanakuy llaktak runakunawan, tantarikunawan tantarishpa llankachun nirka, alli llankayta pushachun, mana kamay tiyakta, mushpachik hampita chupak runata rikichun, tukuypak hampi chayachun rikuchun nirka.
MG/pv/jc-kichwa
