Kay kulka, 23 puncha, pawkar killapi, 18:00 sayllamanta, Mamallakta Tantanakuypak karurikuchik. chusku watata paktachishka, chaytami Akllashka willayta chayachinka. Kay willana hillayka llankayta rikichina ukupimi wiñarirka.
Mamallakta Tantanakuypak karurikuchikpak yuyayka willaywan paktana, allita rikuchina, atinakuna llankaytami charin. Shinallatak Mamallakta Tantanakuy, minkashkakuna, tantarishka kamachiy killkakkuna ima llankaykunata rurakushkata riksichinka.
Mamallakta Tantanakuypak karurikuchikpak llankayka willana, yachachina, kawsaytarpuyta willana llankaytami charin, kay willaykuna tukuykuna llakta ushayta charinkapami kan, shina Mamallaktapak tawkasami rimaywan chayanka.
Runakuna llaki, kushi tukushpa chayashpa Karurikuchikpi rimanami kan, Mamallakta Tantanakuypak llankayta ñalla riksina hillaymi kan, chaypimi llaktayukkuna atinakun, yuyayta kun, mushuk yuyayta kun, Mamallakta Pushak churashka kamachiyta, kamachiyta willan. Kaykunami llakta ushayta achkata yanapan, mashiyarishpa llankanata rikuchin.
Llaktayukkuna Mamallakta Tantanakuypak karurikuchikpak willayta, kay Quito llaktamanta 42 ñanta katishpa riksina, web http://tvl.asambleanacional.gob.ec/, llikata katina kan, shinallatak kay redes sociales, twitter, facebook, youtube willana ñankunatapash katishpa riksichin.
Imamanta
Kay willana ñanka 22 puncha, pawkar killa, 2013 watapimi llankayta kallarirka, kay Quito llaktapi, Asamblea de la Unión Interparlamentaria tantaripak 128 yupay tantarita willashpami kallarirka, Centro de Convenciones Quórum wasipi, Paseo San Francisco pampapi, Cumbayá llaktapi karka, allpapachamanta 500 runakunami tantarirka.
RSA/pv/jc-kichwa
