Kay Mauricio Proaño: Yakuka kawsaymi kan, kawsayka chanita mana charinchu

Jueves, 23 de marzo del 2017 - 15:26 Imprimir Elaborado por: Sala de prensa

Kay Día Mundial del Agua puncha kashkamanta, Mauricio Proaño kamachiy killkak, Soberanía Alimentaria minkashkata kipapushak, kay Recursos Hídricos, Usos y Aprovechamiento del Agua kamachiyta. Kay kamachiyka runakuna yaku hayñita charichun, paktapakta rakichun yanapan, yakuta mana katuchun harkan.

“Yakuka kawsaymi kan, kawsayka chanita mana charinchu, chaymanta shukpaklla makipi yanka mana sakirinchu, yuyan. Mamallaktami yakutaka runakunaman chayachinata charin”, rimarka.

Kay Proaño kamachiy killkak, amawta yachakkuna chirikunuk rantinchirikpika, yakuta kutintak tikrachimunatami riman, “wakin kuskapi yaku chinkarikpika, chakirikpi”, kay taripaykunaka yankami sakirin, yakuta rakinami ashtawan llaki rikurin. "chaymantami ashalla yakuta rakina yuyayta charin".

Kay Proaño kamachiy killkakkman, Ecuador llakta kay llakimanta mana anchurinchu. Hatun yakukunata rikukpika achkami chakirishka rikurin, chirikunukkmanta, sacha illakpi, yaku ñawita allakpi, yunkapi allpa uku yaku paksami rikpi, urkukuna chakirikpi yaku chakirin.

Kay Proaño Kamachiy killkak, runakuna yakuta kamankapa yuyayta hapina nirka, yakuta ama mapayachina nirka. Wasimanta, hillay shushunawan yakunata harkashpa mana mapayachina, yaku tututa pichana, mapakunata anchuchina nirka.

PAU/pv/jc-kichwa

 

Av. 6 de Diciembre y Piedrahita · Teléfono: (593)2399 - 1000 | Quito · Ecuador