Llaktayukkunata karurikuchikwan 1460 punchata willashpa, yachachishhpa shamun

Viernes, 24 de marzo del 2017 - 12:05 Imprimir Elaborado por: Sala de prensa

Kay TV Legislativa del Ecuador chusku watata llankashpa shamun, payka Mamallakta Tantanakuypak llankaytami willashpa paktachin, karurikuchikka allita rikuchina, atinakuna llankaytami charin.

“Llaktakuna alli willashkallami paykuna allita wiñarinka”, Gabriela Rivadeneira Mamallakta Tantanakuyta pushak rimarka.

Kay 2013 watamantami, Mamallakta Tantanakuypak llankayta katishpa runakunaman willan, yachachin, kawsaytarpuy yachayta, allikawsayta, kariwarmi kawsanata, llaktakuna tantatinata, shuktak yachaykunataspash yachachin.

Shuk akllashka llankaypimi kunan TVLegislativa llankayman yaykurirka, paykuna tantarishpami Mamallakta Tantanakuypak llankaykunata riksichina yuyay wiñarirka, kaymi kallari llankaykuna karka. Karu rikuchik watapaktayka takikuna, akllashka kayachishkakuna, arawikuna, napaykuna, yuyarikuna tiyarka.

Mamallakta Tantanakuypak yuyayka llakta ushayta yuyaymi kan, chay yuyaywan Hatun kamachik llankayta, tukuykunapak paktay tiyachun, kullki wiñarichun, paktaraki tiyachun, kullki shuwayta harkay TVL llankaypi yaykurin.

Kay Quito llaktaṕi, 42 willay larkapimi uyarin, rikurin. Chaymi ayllukunapak kuchupilla kachun yanapan,   sapan llakta kuskakunaman chayan. Kay llaktay, kulli hawa, kawsaytarpuy, chikan chikan taki, yachay tukuy punchami rikuna, uyana chayan. Kawsaypura riksina, katina, runakuna chaypi kanapash chayanmi..

Mamallakta Tantanakuy kallari willaytaka: achiklla sapan tantarikunapak rimashkata llaktakunaman willana kan. Shinami llaktakuna imashina kamachiykuna killkarishkata yachan, kamachiyta arinikuy pacha imashina atinakukta rikisin, uyan.

RSA/pv/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador