Kay Comisión de Justicia kay Código Orgánico Integral Penal (COIP) kamachiyta mushukyachina hawa riksinka, kaytaka Henry Llanes, Soledad Vela, Verónica Rodríguez kamachiy killkakuna rikuchirka.
Pay Henry Llanes kamachiy killkak COIP kamachiypak 581 nikita mushukyachina riman, kay nikimi Fiscalía kamaywasi wanachichun, kullkita shuwashkamanta, kamachiyta pakishpa kullkiyuk tukushkata wanachichun yanapan, shina llakikuna tiyakpi utkashpa wanachina kachun churan.
Tukuylla awllikkuna paypak llankaypi kamachiyta pakishpa huchata rurakpi, llakichikpi wanachichun yanapanka, ancha llakikunata rurakpika kamachiywan sinchita wanachichun mañan.
Imashina allichina
Kutin, Soledad Vela kamachiy killkak kay kamachiywan shuktak, tantarishka runa ancha llakita charikpita allichinata yanapanka, shinallatak llakichishpa yumashka, chichuchishka llakita rurakta sinchita kamachiywan llakishkata wanachina kachun, kawsayta allichichun rikuna. Kay llakikumanta kullkiwan riksichun.
Ayñiwan llakichishka
Pay Verónica Rodríguez kamachiy killkak tukuy runa hapichun, yanka llankachichun, kullita kuchun, runata wañuchichun yachachikta 10 watamanta, 13 watakama wanachichun nirka.
Shinallatak hatun kamachikta llankaymanta surkuchun, urmachichun yachachiktapash 10 watamanta, 13 watakama wanachichun mañarka. Shinallatak Mamallaktapak kawsayta pakichun, paypak allpata chawpichun yachachikta wanachina kachun yanapan.
Shuwashkata wakaychina kuska
Kay llankana patakuka Aplicación de la Consulta Popular kamachiyta killkankapa atinakushpa katinka, kay tapuytaka 19 punchapi, 2017 watapi rurashka kan.
MG/pv/jc-kichwa
