Mamallaktapak Salón Nela Martínez Espinosa hatun uku, hawa ukupash mana aparkachu.
Chaypimi Mamallakta kamachikkuna, marka kamachikkuna, llakta kamachikkuna, hatun kamachikkuna, chikan hatun kamachikkuna, hatun tantarikuna, ayllullaktakuna, llaktayukkunapash shamurka. Shinami achka runakunaman, Gabriela Rivadeneira pay llankashkata rikuchirka.
Hatun kamachikkunaka, Consejo de la Judicatura, Gustavo Jalkh kamachik; Corte Nacional de Justicia, Carlos Ramírez kamachik; defensor del Pueblo, Ramiro Rivadeneira Silva kamachik; Ecuador llaktapak Rimayta Charikkuna shamurka.
Kay 10:00 sayllata, Libia Rivas Ordóñez killkakamayuk, chayamukkunata alli shamushkata kurka, kipaman Himno Nacional de la República del Ecuador hayllita uyachirka, soprano Patricia Lucero takik yanaparka. Katipika Gabriela Rivadeneira Burbano paypak llankayta rikuchirka.
Pay rimayka shuk saylla, ishkaychunka chinikunatami uniyarka, chaypi Gabriela Rivadeneira, chusku watapi 65 yalli kamachiykuna arinishkata willarka, kay kamachiykunaka: kari warmi wawakuna, tisikukuna, runakuna, yanakuna, yunkakuna ñawpa mana rikurishka karka, paykunatami arinishka kamachiykuna yanapanka nirka, kullki wiñarichunpash, llaktakuna wiñarichun, kamaywasi sinchiyachunpash yanapanka.
Kay llankay tukuri punchakunapi Mamallakta Tantanakuyta llaktakuna chaskirka, iñirka. Chayka 40% patsakriman hawayan, chaymanta tukuy kamachiy killkakkunata yupaycharka, Rosana Alvarado Carrión kallarikipapushakta, Marcela Aguiñaga ishkayniki kipapushakta hawaman churarka, paykunami Mamallakta Tantanakuy pushayta yanapakkuna kan nirka.
Kay llankayta rikuchi grupo vocal Bocapelo takikwan tukurirka, kipaman 12 minkashka tantarikuna, paykunapak tantarina ukuman llukshirka, chaypimi llaktayukkunaman paykuna llankay tukuri watapi paktashkata riksichirka.
EG/pv/jc-kichwa
