“Ayñiwan pakalla runakuna tiyachun mana munanchik, chaytami kay Código Orgánico de Entidades de Seguridad Ciudadana y Orden Público kamachiywanka mañanchik”.
Shina rimashpa kamachiy killkak María Augusta Calle rimayta kallarirka, ishkayniki atinakuypimi shina rimarka, kay kamachiyta 71 alli apuchiwan 25 mana nishka apuchiwan mushuk kamachiyta arinirka.
Chay Policía kamachikkunata, Fuerzas Armadas kamachikunata washaman churakun nishpa ama llullachun, chay llulla runakuna imashina rimashpa kay Mamallakta llakita churakta mana yachanchikchu nirka.
Churashka chunka niki, Policía kamachik, Fuerzas Armadas kamachik llankaymanta anchurishpa ñawpa kullkita hapishkawan, kunan kullkita hapinawan shuklla kachun nirka, shinanallatak kipa yachayman yaykurichunpash kamachiypi tiyachun, sumakruraytapash yachachun.
Chunka chuskunikipi chay Instituto de la Policía kamaywasi, Senescyt kamaywasiman yaykurishka kachun, shina Universidad de la Policía kamaywasiman tikrachun.
Warmi kamachiy killkak “ wakin kamachiy killkakkuna mana alli willashka nirka, minkashkaman yaykurishkapura piñarichun, llakitukuchun kamishka, chayka mana allichu kan”. Uchilla killka willaykunapi wanayta churarka, chaypi wañuchichun rimashka, hatun kamachikkunaman wanayta churana nishka.
“Kay Kamachiyka Policía Nacional kamaywasipak, Entidades Complementarias kamaywasipak wiñaykawsaytami mushukyachin”, tukuy kamay waskata rikuchishpa shina willarka, chay kamakkunaka: bomberos, Policía Metropolitanos, Comisión de Tránsito del Ecuador kamachikkuna, Guías Penitenciarios kamachikkunapash kan. Kati killkashka kamupak nikikunapipash kay kamakkunatami achkata yanapan.
RSA/pv/jc.kichwa
