Kunan 11:00 sayllata Participación Ciudadana Minkashkaman yaykurishka kamachiy killkakkuna punkuta wichkashpa rimanakuyta charirka.
Kipaman 30 chiniku kipa Pushakta, Kipapushakta churankapa yuyarirka. Shinami 10 apuchiwan Héctor Yépez Pushak tukurka, shinallatak Ángel Gende Kipapushak shayarirka.
“Kipaman Ecuador llaktaman rikurirka; wakin punchakunata uyankapa sakirirkanchik, shinami shuk yuyaylla Partido Social Cristiano, CREO y SUMA, Independientes, Pachakutik shuk yuyaylla sakirirka”, Yépez rimarka.
Kay Minkashkata mushuk pushak, kay Minkashpak rimayka chikan yuyayta charik runakunapak rimayta rikuchinka. Kallari llankaytaka Código de Participación Ciudadana kamachiyta arinichishun nirka, shinami kay Minkashka mañanka nirka.
“Ñawsa takarik mana kashunchu, kunan Lenín Moreno Mamallakta Pushak kayashkata uyanchik, Mamallakta Tantanakuyta Pushak, José Serrano rimashkata uyarkanchik, rimanakuy ishkay ñanta charichun mañanchik”, nirka.
Shinallatak, Decreto 16 kamachiyta ama arinichun, runakuna tantarita wiñachichun, wanachishka runakunata chaypilla sakichun, kishpiychichun mañanka.
Chaypi kana
Kipapushak, Ángel Gende, kay Código de la Democracia kamachiyta allichichun mañashun nirka. “Llaktakuna rimashkata mirachichun mañashun, llakatakunapak tukuy kuchukunaman chayashun nirka, hatun kamachikkuna llaktata manchan, mana llukiman kanachu, llaktayukkunami llaktapak awkita charin”, rimarka.
Minkashkaman yaykurishka tukuy kamachiy killkakkunami paykuna arinishkamanta kushilla ñawita rikuchirka, tsáchila runallaktamanta Mesa Legislativa atinakuna patakunata Kipapushak kachun allimi kan nirka.
MC/pv/jc-kichwa
