Mamallakta Tantanakuy Sumakkawsayta charinkapa mushuk kamachiyta arinirka

Viernes, 23 de junio del 2017 - 16:25 Imprimir Elaborado por: Sala de prensa

Mamallakta Tantanakuy allpapachaman, Mamallakapi tiyak tantarikunaman punkuta paskarka.

Mamallakta Tantanakuyta pushak, José Serrano, Mamallaktapi llankak ista hatun kamachikkunata chaskirka, paykuna llaktay hawa, kullki hawa, mashiyarita rimankapa punchanta willanakuna nirka.

Ashtawankarin imashina allpamamata unipak kamankapa rimanakuy tiyachun nirka, Mamallaktapi kawsak runakunapak allikawsay hawapash rimankurka.

Tukuy kamachiy killkakkuna chay Acuerdo de París tiyachun arinirka, chirikunuk hawa shuk Proyecto de Resolución unipak tiyachun, chay yuyari ancha unkuyta charik runa hampirichun yanapanka nirka.

Mamallakta Tantanakuy hunta yuyari

Kay Ministerio de Salud Pública allita llankachun Mamallakta Tantanakuy ancha, mana riksishka unkuypak kamachiyta arinirka, chay unkuykunapak hampikuna tiyachun nirka. Kayta paktachinkapa hampi wasikuna tiyan, unkuykuna ñukanchik llaktapi mana tiyan. Yapa, allikawsay Hatun kamachikkunaman willachun, llaktayukkunata hampishpa mashna kullki mutsurikta riksichichun mañarka.

Allpapachapi shuk yuyarilla, pachamamata kamankapa achka yuyay, tukuy kamachiy killkakkunapak yanapayta chaskirka, chaywan Ecuador llakta chirikunuk rantinchirita takankapa tupukunata churanka. Chayka Acuerdo de París kamachiy imashina llankaykuna paktakushkata rikuchichun yanapan.

Shinallatak, 130 apuchiwan, Mamallakta Tantanakuy tsiknita, istatsiknita, shuktak llakichikkunata takankapa arinirka, chay Selección Nacional de Fútbol pukllaypi llaki tiyashkamantami shina arinirka, ashtwanakarin Felipe Caicedo pukllakta llakichishkamanta shina yuyarinakurka.

Kay allichishka Sanidad Agropecuaria kamachiyta arinirka, Mamallakta Tantanakuy chay Registro Oficial kipuwasiman kacharka. Kay kamachiyka uksi, mana unkuchik mikuna tiyachun yanapan, chay mikuna, tarpuk runakunatapash yanapak kamachiy kan.

LILA/jc-kchwa

 

Av. 6 de Diciembre y Piedrahita · Teléfono: (593)2399 - 1000 | Quito · Ecuador