Pichka sayllata atinakushpa, Mamallakta Hunta tantari Para la Aplicación de la Consulta Popular kamachiyta arinirka.
Willakkunawan rimanakushpa, José Serrano kay atinakuy may sumak kashkata rikuchirka, kullki shuwayta harkankapa, anchuchinkapa shuk kamachiyta arinirka.
Kay apuchika wiñaykawsaymi karka, hatun kamachiypak llaktay tantarilla mana usharkachu, SUMA tantaripak, Partido Socialcristiano tantaripak, Integración Nacional tantaripak kamachiy killkakkuna apuchiwan yanaparka. “Kay apuchiykunawan, 100 yalli shitarirka, kay Paraísos Fiscales kamachiymi kullki shuwayta harkankapa, anchuchinkapa maymutsurik kamachiy kan”, nirka.
Tayta Serrano Pushakpak yuyuypika ñami shuk kamachiyta kay llakita rikuchun charinchik nirka, mayhan tukuylla awllik kunanpi, kipaman ista llaktakunapi kullkita shuwashpa pakalla charinata mana ushankachu, shinallatak paraísos fiscales wasikunapi mana charinata ushankachu nirka.
Wakin awllikkuna pakalla ista llaktakunapi kullkita, charishkata, llankakwasita charikpika, kay Contraloría General del Estado kamaywasimi katinka, wanachinka. Shinallatak, Mamallakta Pushak, Kipapushak chay wasikunapi kullkita charikpika Mamallakta Tantanakuymi paypak llankaymanta kamachiywan surkunkapa makipi charin.
Mamallakta Tantanakuyta pushakman, kay Mesa de Justicia tantari llankashka tukuykuna rikunami alli kan, shinami kullki shuwayta takashun nirka. Yallik Contralor kamachikta wanachikushkamanta rimarka, Mamakamachiy, kamachiykuna, llaktayukkuna kachashkata makipi charinchik nirka.
Pawkar killapi
Mama Marcela Aguiñaga, Justicia y Estructura del Estado minakashkata pushak, paypash rimarka. Tukuylla awllikkuna, paykuna charishkata, kullkita Ecuador llaktaman apamamuna, shamuk wata pawkar killapi puncha paktan nirka. Taripayta rurankapa, llaktayuk wanachishkamantan hapishpa taripanata usharin, Unidad de Lavado de Activos o el Servicio de Rentas Internas wanachishkamanta hapishpapash taripanka.
MC/pv/jc-kichwa
