Kay Fijación de Límites Internos kamachiyta allichina wiñaykawsaymanta shamun.
Yallik punchakuna Gobiernos Autónomos minkashkaman shamuk kamachikkunaka shuklla yuyaytami charirka, kay kamachiyta wakaychichun mañarka.
Shinapash Pichincha markakamachik, Guayas markakamachik 19 puncha, sitwa killa tantaripi saywa llaki allichirichun mañarka.
Pichincha Markakamachik Gustavo Baroja, kay markamanta, Esmeraldas markapi, Simón Bolívar llaktapi saywa llakita allichirichun rimarka. Chay llakikunata mashiyarishpa allichina nirka, kay llakita allichinkapa ñami rikuk kamaywasikunapak makita yallirka, chaytaka Decreto Ejecutivo 1393 kamachiymi rikuchin nirka, kipaman Puerto Quito kitipi llaki tiyakta rikuchirka.
Shinallatak Xavier Sandoval, Guayas markamanta hatun kamachik kachashka, chay yanapaytallatak chaskirka. Shinapash yallik Mamallakta Pushak Rafael Correa yuyarishkawan mana alli yuyayta charini nirka.
imashinami Azuay, Cañar, Bolívar, Manabí, El Oro markakunawan mana saywa llakita churashka, allpakunata chinkachinatalla, kamachiyta, Mamallakta shuklla kana yuyaytalla yanapan nirka.
Chay Bolívar, Azuay markakunamanta shamuk kamachikkuna saywa llakita charishkata mana rikuchinchu, shinapash Comité de Límites Internos (Conali) tantarita wiñachirka. Chay Bucay, Pucará, Ponce Enríquez llaktakunapak saywakunata mana kuyuchichun nirka, shinallatak Molleturo-Cuenca shulkakunapak saywakunata ama kuyuchichun nirka.
LILA/pv/jc-kichwa
