Kay Arnaud Peral, Sistema de Naciones Unidas kimirinakuchik, Agenda 2030 watakama llankayta ishkantin pushana”, hawa riman.
Shinami, runapak Objetivos de Desarrollo hatun munayta pushana hawa rikuchin, alli allpapachata wallpana pachata mana chinkana riman.
Kay willaytaka Mamallakta Tantanakuypimi rikuchirka, Agenda 2030, ODS llankayta pushakushpami shina rikuchirka.
Kay llankaytaka 25 puncha, kuski killa 2015 watapi churashka karka, shinami Organización de las Naciones Unidas (ONU) ukupi tiyarinka. Chayka 169 paktanakuna, kimsa patapi llankanami kanka, chayka: kullki, runakuna, pachamama kan.
Pay Arnaud Peral llankayta pushankapaka mana ONU tantarimanta karupi kanachu, allpapachapak alli kachun llankakushkatami rikuchina kan.
Kay Agenda 2030 watapak llankayka pichkami kan, nirka: “tukuykunapak kawsaykama llankaytami rikuchin, yurakunata wakaychina, kushilla kawsayta charinata mirachina, kashilla kawsanata, paktakayman, pakta rakiman yaykunata sinchiyachina”.
“Kay Ecuador llaktapak awkikayta sumaychanata usharinmi, ñukanchikpak yanapayta sumaychakmi kanka. Tantarishpa llankanaka may allimi kanka, ista llaktakunapak llankaywan, uchilla llaktakunapak llankaywan tinkina kachun”, nirka.
Shinapash, “llankay tiyan, paktanapash tiyanmi”, kutin rimarka. Ñukanchik Ecuador llaktaka warmi kakpi wañuchinata anchuchinkapa achkata llankanka, kariwarmi takanakuyta anchuchina yuyaymi paktana kan. Kay Mamallaktapika 10 warmimanta sukta wamimi imasami waktayta chaskishka, kay watapika 40 warmikunami chay llakita charishka. “mana shuk illak”, rimarka.
PAU/pv/jc-kichwa
