Kay chaska, 21 puncha, sitwa killapi, 09:45 sayllamnata, CAL tantari, José Serrano Salgado, Mamallakta Tantanakuyta pushak chayanka.
Shinalltak Viviana Bonilla Salcedo, shukniki kipapushak; Carlos Bergmann, ishkayniki kipapushak; Soledad Buendía, Verónica Arias, Luis Fernando Torres, Patricio Donoso, rimayta charikkuna, llaktapi tantarinka, chaypimi llaktayukkuna kanka, paykunapak kawsay allichirichun rimanka.
Kay CAL tantariman yaykurishka kamachikkunaka kamachiy killkakkunantin Manabí markapi lluchunkata wiñachishpa llankakkunawan, chalwa hapikkunwan, maki rurakkunawan, antawayukkunawan, riksina llankayta pushakkunawan tantarinka.
Kari warmi llaktayukkuna chay Comité de Operaciones Emergentes (COE) kuskaman chayan, chayka 1 waranka tupupi, Cojimíes ñanpi sakirin, paykunaka imashinami Mamallakta Tantanakuy “Ruta Legislativa” llankay pushakta riksinka, chayka antawapi runakunawan rimashka, hatun rirpupi kuyurik shuyukunata rikuchikta riksinka.
Shinallatak chaypimi llaktayukkuna tapunka, Mamallakta Tantanakuypak kamachikkuna alli, mana alli rimakta rikushpa, uyashpa paykunapash yuyayta churanka, ashtawankarin paykunapak, mutsuykunata, munaykunata rikuchinka.
Mamallakta Tantankuypak pushak llaktapi kaywan, ashtawankarin Reasentamiento Ciudad Jardín kuskaman chayashkawan, chaypimi 16 puncha, ayriwa killa, 2016 watapi allpa chukchuypi wasikuna tuñirikpi llakirishpa ayllkuna chay kuskapi kawsakta rikunka, chay allpapimi tawka ayllukuna kawsan.
Shinami, Mamallakta Tantanakuy, “la Casa de Todos” llanklayta pushan, shinami llaktakuman chayan, runakunapak mutsuyta riksin, kamachikkuna imashina llankashkata rikun, mana alli kakpi, imamanta llaki tiyakta riksin.
EG/pv/jc-kichwa
