Mamallakta Tantanakuypak rikuchik antawa Loja llaktaman chayanka, chay Benjamín Carrión wasipak irapi shayarinka.
Chay antawaka Mamallakta Tantanakuy llankashkata tukuy suyukunaman riksichinkapa apanka. Shinami llankaykunata ayllullaktakunaman Mamallakta Tantanakuy utkashpa, mushukta rikuchishpa, kushiyachishpa llaktayukman chayachinchik.
Kay kallari llankayka llakta kuyayta, llaktayta, llakta ushayta kutintak yuyachinami kan, mayman chayashka kuskapi kawsak runakunapak yuyayta, yachayta, wallpayta hapishka yapa, runakunata kushiyachin.
Shinami Mesas de Atención Ciudadana tantaripak ruraykunata chayachin, chaypimi runakuna kamachiy alli killkarichun yuyayta kushpa sinchita yanapanka, mushuksami llankayta rikuchinka, llankashkata rikunka, kamachiykunata allichinka.
Antawaka rukawan llapina rirputami charin, chaypimi shuyu kuyurikta rikushpa Mamallakta Tantanakuy llankashka llaktayukkuna, wawakuna riksin. Pukllashpa yachayman kuchuyan, chayman chayashpa manchayta anchuchin, riksina achiklla sakirin.
CAL llaktaman chayan
Arawa kanchapi tiyankamaka, Consejo de Administración Legislativa (CAL) tantariman yaykurishka kamachiy killkakkunaka, 09h30 sayllamanta rimanakuyta charinka, chaypimi chikan chikan rimayta charinka.
Tutamantatak manarak 08h00 saylla kakpi, Kitiman yaykuna punkupi, Loja Kitipushak, José Bolívar Castillo kamachik, tayta José Serrano, Mamallakta Tantanakuy pushakman punku paskanata chaskinka. Kipaman 10h45, willay hillayta pushakkunawan rimanakuyta charinka, chaypimi markapi ima rimashkata amsalla kakta achikyachirka.
Katikillataka Loja llaktapi paktachinka, shuk minkashka tiyan, chaypi CAL tantariwan, markamanta kamachiy killkakkunawan makirurakkuna rimashkata uyanka, riksinata, yanapak kullkita, paklla runapak rimayta, kiti ayllullakta pushakkuna, Cámara de Industrias pushak rimashkata uyanka.
MC/pv/jc-kichwa
