Yachakkuna rimanakuypi, Esteban Melo apuk Movilidad Humana killkata riksichirka

Miércoles, 13 de septiembre del 2017 - 09:37 Imprimir Elaborado por: Sala de prensa

Esteban Melo, Europa, Asia, Oceanía suyu llaktamanta akllashka apuk, Yachakkuna rimanakuypi karka: Movilidad Humana kamachiy rurana killka shinallatak uchilla kamachiyta Santo domingo kitipi riksichirka. Kay yachaymanta riksichiy rimanakuyka kiti llaktapi Movilidad Humana hunkaymanta rimanakuy paktaypimi kan.

Mamallakta Tantanakuymanata apukka kay kamachiy imalla charishkatami riksichirka, kay kamachiywanka llaktayukkunapak hayñita mamakamachiypi rikuchishkatami paktachinka. Melo apukka kay killkata rurak runami, kay allpapachapi alli ruraymi mamakamachiymi mana nimayhan ayllukuna hayñi illaklla kankachu nishpa willan.

"Kay kamachiyta tantachikmi, Mamallakta kamachiywan hayñikunawan kawsaynapak mutsushkata chayachin kashnami mamakamachiypi willakuna", nirkami.

Kallari yuyaykunapika, tukuy ayllukuna kacharishka, mana huchachishka allpapachapi purinatami riksin, kayshinami Ecuador llakta ayllukuna ista llaktapi kawsakta, suyu llaktakunapura, wawakunapak kawsayta kallaripi churashpa, shuktak mutsuykunatapashmi ukllan.

Melo apukka ista llaktapi kawsak ayllukuna imalla hayñikunawan yanaparinatapash rimarka, consulado yanapaywanpash; charinakunata kullkitapash kayman chayachichun; Llaktapi llankaykuna yanapaykunamanpash kimirichun, hampinaman, kamayman, llakta yanapayman, yachayman, llakta pushana akllariman, chinkarishka wasi ayllukuna mashkanapipash yanaparinapak; wakllirinalla kashpapash yanaparinapak.

Tikramuk ayllukunapakka kamachiykunami kullki llankaypi llaktayuk yanaparipipash ukllan; ista llaktapi yachashkata riksinapak, anta purichina iñik pankata shinallatak llankashkata riksichik pankatapash riksinka; yachashpa katichun yanapanka; kullki wasikunawan llankanapak llankay wiñachinapak, shuktak ruraykunapakpash.

 

Ashtawan riksichishpaka, wasi ukupi charinata, llankanapak hayllikunata, antawakunata apamunapi manu kullkita ashayachinapak yanapak kamachiykunaman kimirinkapak Mamallakta Tantanakuypi rurashka kamachiykunawan.

Kay hatun rimanakuypika Ministerio de Relaciones Exteriores, Defensoría del Pueblo, Defensoría Pública, Consejo Cantonal de Protección de Derechos del Municipio de Santo Domingo y del Alto Comisionado de las Naciones Unidas para los Refugiados (Acnur) tantanakuymanta pushak runakunami chayamurkakuna.

LILA/pv

Av. 6 de Diciembre y Piedrahita · Teléfono: (593)2399 - 1000 | Quito · Ecuador