Sapan awki puncha Comisión de Educación tukuylla hatun yachanawasiwan, sumakrurak yachanawasiwan rimanakuyta charin.
Kay llankay minkashka Ley Orgánica de Educación Superior (Loes) kamachiy ishkayni atinakuyman chayankakama rimanakushpa katinka.
Shukpaklla hatunyachana wasikunawan rimanakuyta charinka, chaypi llankak kamachikkunapash yuyaykunata churanka, shina tukuypak kamachik wallparinka.
Kay yuyaytami Augusto Espinosa kamachik rimarka, payka kay llankayta pushakmi kan, kay puncha llankaykunapika imashina kullkita tarinatami rimanakukunchik nirka, ama kullki urayachunmi ashtawankarin rikukunchik nirka. Unipak kullki tiyachun, sapan wata mirarichunmi rikunka.
Kay tukuri watakunapika, churashka kullkikuna yaykurishkata yupaychashpa Fondo Permanente de Desarrollo Universitario y Politécnico (Fopedeupo) kullki wichiyarka. Shinapash Mamallaktapak kullki illashkamanta hatun llaki tiyarka, chayamanta churashka kullki mana yaykurikpi mashnay urayarka, chaymanta yachana wasiman kullki illarka, kay mushuk kamachiywan shina llaki mana tiyanka.
Mushuk yuyay
Kamachik Espinosa churashka yuyaykunaka ñami kallari atinakuypi rimachun killkashka kan, kaya 19 puncha, kuski killa, 10h00 sayllata Mamallakta Tantanakuy atinakuyta kallarinka, ishkayniki atinakuypipash kay yuyaykuna yuyarinka. Shukkutin kullkita churashka kipa yachanawasikuna imashina tukuchinata yachanka, alli tukuchikpi kullki mana illanka.
LILA/pv/jc-kichwa
