Kay Ambato kitipi, Integral para la Prevención y Erradicación de la Violencia de Género contra las Mujeres kamachiyta allita rikuna, riksichina kallarirka, kay llankaytaka Mónica Alemán kamachiy killkak pushakun.
Kay Centro Cultural Eugenia Mera ukuman Red Intercultural de Mujeres Amazónicas (Rima) tantarimanta warmikuna chayamurka.
Shinami, chay Técnica de Ambato hatun yachanawasimanta, Católica yachanawasimanta, Colegio San Alfonso yachanawasimanta, runa tantarimanta, kitimanta, shulkatantarimanta, runa ayllullaktamanta, Parlamento Gente tantarimanta, LGBTI tantarimanta, Chimborazo, Pastaza llaktakunamanta kaypi karka.
Arinishka
Mama Mónica Alemán, chay Grupo Parlamentario por los Derechos de las Mujeres mañayta chayachishka, Mamallakta Pushak mañayta chayachishka shuklla mushuk mañayman chayashka, chaytami 25 puncha, sasi killapi arininka, chay punchaka takayta pichana punchami kan.
"Llaktapi runakunaman chayanaka, rimanakuyta charinkapa, mushuk kamachiyta riksichinkapami kan, tukuykuna yuyata churashpa kamachiyta wallpankapami kan, runapura llakipi kawsakkushkamanta kay yachaykunata, rimanakuyta rurakrinchik", rimarka.
Kutin kamachiy killkak Juan Cristóbal Lloret, minkashkapak kipa puchak, warmi takakta sakichinkapaka, tukuykunami arinishpa llankana kan, Ashtawankarin, Juan Cristóbal Lloret, tantarita kipapushak, warmi kakpi takana anchuchinkapa tukuy runakunami rikunata charin, llakta runakunamanta kari yalli kashkata rikuchin.
Shina rimanakuyta charishpami " Runakuna pay mana yachashka kunkarin, millli mashakumanta anchurina kan, runakunapak yuyayta, rurayta mushukyachinami kallari llankayka kan", yapa rimarka.
MG/pv/jc-kichwa
