Kay Biodiversidad minkashka chukita surkuk llankaywasita Mamallaktapak chinchasuyu llaktapi rikunata, chapatana arinirka.
Kaytaka tantarikunapak, ayllullaktakunapak, shukpaklla tantarikunapak, yachakkunapak mañayta uyashpa arinirka.
Shinalltak runakuna paykunapak allpata, chaymanta pachamamata wakaychina hawa rimashpa, chay llakikuna ama chayamushun harkarka.
Kamachiy killkak Johana Cedeño, minkashkata pushak, llaktayukkunapak mañayka maymutsurikmi kan, kayta rikuk minkashkakuna pachamamapak hayñita kamachun kamana nirka. Payka, kay llankayta kamak shina Minas kamchikta, Ambiente kamachikta kayanka, shuktak kamachikkunatapash kayanka, maypimi chuki sakirin, chaymanpash rikunkapa chayanka.
Chay tantariman chayakkuna, Elis Levi, Fred Larreátegui, paykunaka Observatorio Minero kamaywasimanta, Social y Ambiental del norte de Ecuador (Carchi, Imbabura, Esmeraldas y Pichincha) llaktakunamanta kamachik chayarka, chukita surkuchun arinishkakunaka llaktata, pachamamata achkatami wakllichin, runakunata, kamaytapash achkatami wakllichin nirka.
Mama Silvia Quilumbango, payka Intac-Imbabura llaktamanta kan, chay llaktapika 50 waranka tupu allpata ashalla pachapi llankachun kushka, shinallatak, 20 waranka tupu kunkapa shuyakun, shinaka llaktamanta 70 % patsakri allpata wakllichinka. Chay llaktapika pichka wakaychishka sacha chakra tiyan nirka.
Chaymanta, huktak shulkapi sachakunapash tiyanmi nishpa, yaku tiyachun wakaychishka yurakunapash tiyanmi nishpa riksichirka, chay kuskakuna wakllirinalla kakun. Shinallatak, Filomena Rosero, payka Tobar Donoso shulkamanta kan, shinallatak 47 waranka tupu allpa ayllullaktapi wakllirinka nirka.
LILA/pv/jc-kichwa
