Chaska, 8 puncha, kapak killapi, chay Lago Agrio llaktapi Utkachik Lenín Moreno, Mamallakta Tantanakuy José Serrano Salgado, Amazónica kamachiyta 2018 watapi arininka
Sshinami chay Circunscripción Territorial Amazónica kamachiyta arinichun sinchita llankanka, chay kamachiywan antisuyu llaktakunata yanapanka.
Ña llankay tukurikukpi, chusku saylla chawpipi, José Serrano kamachik, Lenín Moreno pushakta, llakta rimanakuyta charinka yupaycharka, chaypimi ishkay rimayta charinkapa nishpa, riksichirka: Reactivación Económica, Fortalecimiento de la Dolarización y Modernización de la Gestión Financiera kamachiyta, shinallatak Circunscripción Territorial Especial Amazónica kamachiyta rimanka.
Kipaka, Serrano, Comisión de Biodiversidad tantarita pushak, Johanna Cedeño kamachikwan rimasha nirka, imashina kamachiy llankay ushakushkata willanka.
Ishkayniki atinakuypak allichirikushkata rikischinka, shamuk wata panchi killakama arinirinata willarka.
Kay mushuk kamachiy, chay Ley 010 kamachiypak wakin nikunata allichinka, antisuyu llaktakunata yanpanka, shinami José Serrano kamachik tukuykunaman willarka, paya kamachiyta shitana mana rimanchu, ashtawankarin Antisuyupak markakunata kullkiwan yanapachunmi mushuk kamachiyta arinina kan nirka.
Shinami Fondo para el Ecodesarrollo de la Región Amazónica kullkita churashun, chay kullkika punkarata katushkamantami shamunka nirka. Chayka, sapan punkara mankata katushpa, 1 dólar kullkita kay llankaypak churanka, illakpika 2 dólar kullkikama chayachinka, chay kullkika Kulllkimaru ukupi tiyarinka.
EG/pv/jc-kichwa
