Katikuy utkay, kapukyay, imashina mañaymashkay, arinishka, paktakay llikapi pachakuna allichirishka.
Kaymi Mamallakta kullkita wakaychishka, runakuna achkata yanaparishka, shinami Gustavo Jalkh, Consejo de la Judicatura Hatun pushak rimarka.
Kaytaka Mamallakta Hunta Tantankuypi riksichirka, paypak llankayta 2017 watapi pushashka hawa rimashpami shina riksichirka.
Kay 2012 watapika chusku 4 iñu ñitirishka, nishpalla, sapan awllikuna chusku wanakuyta tukurichun makipi charirka, kunanka 1 iñutallami makipi charin nishpa rikuchirka, kay 1.5 iñu kashpami alli kanka. Arinishkakunaka 1.14 iñukunaman chayanami alli kanka. Kunan 2018 watapi shuk iñuman unipak sakirichun shuyanchik.
Alli llankay rikurishka, paypak yuyaypika, warkuka allimi rikurin: 630 wanayta churashami rikurishka, chaymanta 718 wanaykunami allichirishka. Killpaypika mana tikrachushkami rikurin.
Kay Ecuador llaktapika 100 waranka runakunamanta 12 kishpiychikkunami tiyan, shinallatak 100 waranka runakunamanta achka tukuylla ukllakuna tiyan, pichka rikukkuna tiyan. Kay tukuripika “chay llankakkunapa pusak kishpiychik tiyana kan”. “Kay watapimi 132 chushak kushkakunata huntachinka”, nishpa willarka.
Rikukukpi llaki tukushkata katikushka utkashpami kallparka. Yallikpika pusak kishpiychikmi 15 wanachita tukuchi karka, chaytaka 191 punchapi rurak karka, kunanka chay pusak kishpiychikllatakmi sapan killapi 47 wanchita tukuchin, chaypak 17 punchata apan, chaymanta Código Orgánico Integral Penal (COIP) kamachiyta yupayachana kanchik nirka..
Kay Jalkh kamachikka 30 % patsakrimanta, 4 % patsakriman urayarka. Ancha huchapika, “93 % patsakri huchami rikurin”. Runakunata wañuchi, waktashpa wañuchipika 98 % patsakriman wichiyarka, warmi kakpi wañuchinaka rikurayashkami kan. Chayka 180 wanachinakumanta, 111 huchakunata kamachiywan wanchihska kan.
LILA/pv/jc-kichwa
