Kamachiy killkak María José Carrión, Fiscalización y Control Político tantari pushak, Jorge Glas, yallik Mamallakta Kipapushakta wanachina mana kachun harkarayan.
Chay llaki hawa rimanakushpa chaypilla sakichirka, “Amawta José Serrano Salgado, Mamallakta Tantanakuyta pushakman, shuk killkawan willana nirka.
Kayta rikuk tantari, Mamallakta Tantanakuypash llaktay wanachita pushanata ña chinkarka.
Chay sumakrurak Glas, ña mana Mamallakta Kipapushak karka, Mamakamachiy, Kamachiypash Kipapushak kashpa awllikukpillami wanachina kan riman”.
Mamakamachiypak 129 nikipi rimashkata hapishpami shinarkani, tukuylla hayñipika kamachiypi killkashka tiyakta hapishpami paktachina kan. Chaymanta , “sumakrurak Jorge Glas, shuktak kamachikwan rantinchishka karka, pay awllikukpilla wanachina karka”, nishpa rikuchirka.
“Kayta, José Serrano Salgado, Mamallakta Tantanakuyta pushakman willankapa kamchiywan willana mana mutsurirkachu. Kamachiyta pakishpa atinakushpa, arinishpa apuchishpa, mana kayta rikuna kamachik kashpa, kichushpa arinikpika huchachishka kana karkanchikman”, nirka.
Ña “Mamallakta Tantanakuy, María Alejandra Vicuña kamachikta, Mamallakta Kipapushka kachun churarka, chaymanta ñuka paypak huchata mana chaskina karkani, minkashkapak willaytapash mana killkanata usharkanichu, Mamakamachiypash, kamachiypash kaytaka harkanmi”, kay llakita allichina Mamakamchiypi, kamachiypi mana tiyankachu.
“Minkashka arinishpa, kamachiy killkakkuna alli shunkuta charishpapash Mamakamachiypi killkashkata shuktakyachinata mana usharinkachu. Kunan kamachiy tiyakwan kimirishpa llankana kanchik”, nishpa rimayta tukuchirka.
EG/pv/jc-kichwa
