Kay Seguridad Social kamachiy mushuyarikukta rikushka kipami mushuk llankata rikuchirka.
Chayka, kay kamachiyta killkak Roberto Gómez kamachiy killkak, chay Derechos de los Trabajadores minkashka, imashina kamachiy willashkata katishpa kamachiy arinirichun katinka.
Kay Gómez kamachiy killkak, chay Instituto Ecuatoriano de Seguridad Social (IESS) kamaywasiman kimirishka runakuman llankay wiñaykawsayta charik pankata wiñachina nirka. Kay pankaka sapan killapi mashna kullkita churashkatami riksichinka.
“Kay pankawan llankak rukuyashka, llankak pay kullkita churashkata riksichinka, pay llankaypi rukuyashpa mashna kullkita kipaman curashkata riksichinka”, rimarka.
Kay mashnata churashkata, sapan llankakman riksichinka, llankachik kushka kullkita pay rukuyakpi, wañukpi mashna kullki kashkata rikuchinka. Shinami Discapacidades kamachiy, Seguro de Salud kamachiy, Seguro de Riesgos de Trabajo kamachiy, Seguro de Cesantía kamachiy, Seguro Social Campesino kamachiy kamaypi mashna kullkita tukuchishkata rikuchinka.
Kamachiy tawa
Kamachiy killkak Mamakamachiypak 34 nikiwan, 368 nikiwan rikuchin. Kay nikikunaka imatapash achikllata seguridad social kamachiy rikuchin. Shina kamaywasiman kimirishka kullkita churashka punchanta achiklla riksinka, sapan kullkita riksinka.
Kay Seguridad Social kamachiypak 250 nikipi, sapan runapak kullkita churashkata imashina kipushpa apanata rikuchin, kaypi tiksishpa mashna kullki tiyakta riksinka, sapan killapi mashna kullkita churarikta sapan killapi riksinka. Kayllatakmi kay kamachiywan kimirishpa llankak runaman riksichinka.
RSA/pv/jc-kichwa
