Shamuk awaki, 22 puncha, kullakillapi Comisión de Derechos Colectivos tantari, llaktakunapi rimanakuyta charinka punchakunata rikunka.
Paktana yuyayka Mamallakta kamachiy killkakushka hawa llaktakunaman riksichinka.
Kay kamachiyta kallari atinakuyta charichun allita wallpashpa rikuchinka.
Kay Comisión tantarita pushak, Jorge Corozo, awaki puncha 14h00 sayllayta rimanakuyta charinka, chaypi shamuk 100 punchakunapi imatalla ruranata killkanka. Shinallatak 15h00 sayllamanta, imashina Adulto Mayor Hatun kamachiypak nikikunata llankana ñanta rikunka.
Kay Corozo kamachiy killkak, yuyak runakunata chaskinaka kallari, akllashka llankaymi charin. Chaymantami willanata, chaypi kana, mañana, ukllana, hayñita tikrachimuchun rikuna kan, shinami paktapakta tiyachun, mana tsikni tiyachun kay kamachiy harkanka.
Chayta paktana llaktayta, llankayñanta, Mamallakta imashina yachachina, runakuna, ayllupash imawan yanapanata rikunka nishpa willarka.
“Yuyak runakunata akllashpa kamana, paykunata kallaripi chaskinaka runakunapak makipi, yuyaymi kan; yuyak runakunaman kushilla muyuntinta wallpana, alli mikuyta, allikawsayta chayachina, ukunta kuyuchina, yuyayta kuchiyachina, kuyachinaka ayllu rikunami mutsurin”, rimarka.
Kamachiypika, Mamakamachiypak nikikunapi tiyak hayñikunatami imashina yuyak runakuna kawsaypi, llankaypi, kuyaypi, mikuypi yanapana paktachichinka, kamanka.
JLVN/pv/jc-kichwa
