Kay 84 apuchikuna ariniwan, shuk mananiwan, 36 shuyawan, chay: César Litardo, Daniel Mendoza, Elizabeth Cabezas, Montgómery Sánchez, Roberto Gómez, Ximena Peña, Fernando Burbano, Encarnación Duchi, Vicente Taiano, Guillermo Celi kamachiy killkakuna kay tariman yaykurirka, paykunami kay Consejo de Participación Ciudadana kamaywasita allichina, shinllatak Plusvalía kamachiyta allichinka.
Shinallatak Daniel Mendoza kamachiy killkak, minkashkaman yaykurik kamachiy killkakkunapak chutiya churarka.
Shinami hatun tapuypi llaktakuna arinshkata paktachinka, shinallatak 10 Ecuador llaktapi kawsakkunamanta kanchismi Consejo de Participación Ciudadana y Control Social allichirichun, mushuk Consejo Transitorio tiyarichun yanaparka; chay 2019 watapi musdhuk kamachikuna shayarichun, Plusvalía kamachiyta shitachun yanaparka.
Mamallakta 4 puncha, panchi killapi shuk awki wiñaykawsayta charirka, llaktakuna hawapi churarka, chaymamanta Mamallakta Tantanakuy runakunapak mañayta tikrachina kan nirka, shinami Consejo de Administración Legislativa (CAL) tantari, Comisión Ocasional tantari kachun kamachy killkakunata shayachirka, paykuna arinishkakuna paktachun sinchita llankanka.
Kay Plusvalía kamachiyka, wasikuna ruranata mana harkankachu, chay llankaymi Ecuador llaktapi achka llankaykunata wiñachin nirka, shinallatak shukpaklla llankakkuna Mamallaktata yanapashka llankaykunata wiñachichun mañarka, shina runakunaman llankaykuna tiyanka.
Kamachiy killkak Esteban Bernal Mamallakta llankaykunawan mushukyashpa katichun achka runakunami mañan nirka, hatun kamachikkuna Ecuador llaktata Comisión Interamericana de Derechos Humanos ukllachun mañarka.
JLVN/pv/jc-kichwa
