Kay Comisión de Régimen Económico tantari Hidrocarburos kamachiyta riksinata kallarirka.
kay kamachiytaka Esmeraldas markamanta kan, payka chay Esmeraldas markamanta, Santa Elena markamanta kikinllatak kamachikkuna, punkaramanta shuktak kapukkunatapash rurachun mañarka, kay llankaymanta Mamallakta asha kullkita hapichun mañarka.
Kay mushuk kamachiypika Finanzas Públicas kamaywasimi kikinllatak karupi kamachikkunaman kullkita chayachinka, chayta sapa killpak kallari 15 punchapimi chayachinka.
Shinami Mamakamachiypak 14 nikipika llaktapak hayñikunata rikuchin nishpa willarka, uksi pachamapi kawsachunmi mañan, unipak alli kawsayta kuchun, runakuna achka watata kawsachun mañarka.
Chay Esmeraldas markamanta shamuk kamachiy killkak, paypak markamanta rimashpa, shinallatak Santa Elena llaktamanta rimashpa, Mamallaktapak churashka kullkimanta shamuk kullkita mana hapin nirka, chay kullkiwan sumak llankayta ruranchik karka, chay kullkiwan punkaramanta rakirik nipakunawan llankakpi llaki tiyashkamanta allichinaman karka.
Shinami Antisuyu markakuna punkarata katushkamanta asha kullkita hapin, kutin Esmeraldas marka, Santa Elena marka mana chay yanapayta hapinchu nirka, kay markakunaka mapayay ashnaywan wakllirin nirka, kay hidrocarburífera llankaywan yallita mapayan nirka.
Kamahiy Killkak Rina Campain, chay 2010 watapi, España llaktamanta Universidad de Huelva yachaywasi, Refinería de Esmeraldas wasi kuchupi tiyak pachamama mapayay hawa chuk taripayta rurarka, chay watapika 103 llankakkunami chaklli unkuyta charirka, chay unkuyka apankara unkuyman chayachachik kakta rikuchirka, shinallatak Esmeraldas kitipi kawsak runakunapash unkuykuna hapishkami rikurishka kakta riksirka.
JLVN/pv/jc-kichwa
