Ñami Consejo de Participación Ciudadana y Control Social kamachiy Mamallakta Tantanakuyman chayamushka

Lunes, 19 de febrero del 2018 - 13:15 Imprimir Elaborado por: Sala de prensa

Mamallakta Pushak, Lenín Moreno, kay Mallakta Tantanakuyman, chay Consejo de Participación Ciudadana y Control Social kamachiyta allichichun kacharka.

Shinami 4 puncha, panchi killa, hatun tapuypi 3 nikita allichinka, kipaman alli llankaykuna pushanka.

Shinami kay tantarika Consejo de Participación Ciudadana kamachikta akllana hawa pushanka, kamachikkunata llaktakuna akllanka.

Kay ukupimi chay Consejo de Participación Ciudadana y Control Social (CPCCS) kamaywasi ukuman kanchis hatun kunakkuna, kanchish kipa kunakkuna tiyarichun mashkanka, paykunaka llaktakuna, tantarikuna akllashkami kanka, paykunaka chusku watata llankanka.

Paykunaka chay Consejo Nacional Electoral kamaywasi mishanakuchishka, mananichishka runakunami akllarinkapa yaykurinka, chaymanka kari warmi pakta pakta yupaymi yaykurinka, shinapash achkata yachak runakunami kanka, runa llaktakunamanta, yana llaktakunamanta, yunka llaktakunamantami shamunka.

Kunakkuna tukunkapa runakunawan llankashka yachaytami chatrina kan, chaymi mutsuyka kanka, chaywanmi llaktakunamanta llankana yuyayta charik kanka. Shinallatak hatun llankaykunatapash Mamallaktapi yuyashpa ruranka, pichka watata kay mayhan llaktay tantarikunaman mana kimirishka runakunami kana kan.

JLVN/pv/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador