Kunan tutamanta, Elizabeth Cabezas, Mamallakta Tantanakuyta pushak, Unidad Educativa Santa Marianita de Jesús yachana wasipak watapaktay raymipi karka, chayka Riobamba kitipi, Chimborazo markapimi sakirin.
Chay Mariana de Jesús yachanawasi wiñarishka 400 watata paktachikpi yachachikkuna, yachakukkuna, warmi iñikkuna ayllullakta, yayamamakuna watapaktay raymiman chayarka, yachana wasipak achikmamapak shutimi kan.
Chay Unidad Educativa yachana wasita pushak, Mama Sonia Rivera, Mamallakta Tantanakuy Pushakta chaskirka. “Kaymi paypak wasi karka, Mercedes de Jesús warmi kushipatapak makimanta alli yachaykunata chaskirka, paymi kay yachanawasita wiñachirka.
Kaypmi runapak chanita, allikayta, mana pantanata yacharka, kaykunami Mamallakta Tantanakuyta pushankapa tiksi kan. Allita rikurik warmi, chani hunta kashpa katichun”, rimarka. Yapa, Marianita ayllullaktapakka kaypi yachashka Ecuador llaktapak Mamallakata Tantanakuyta pushak kashkamanta shuk kushikuymi kan nirka.
Yachakuk, Liseth Fiallos, Consejo Estudiantil yachakuk tantari pushak, Mamallakta Tantanakuyta pushakpak kawsayta riksichishpa, paypak sinchi yachaywan, llankaywan hatun tukushkamanta paypak mashikunawan rimanakurka.
Shinami imashina pay kashkata rikuchishpa Mamallakta Tantanakuyta allita pushachun mañarka. Yapa, kay yachana wasiman shamushkamanta shuk unancha kamarita kurka.
Kariyay pacha
Mamallakta Tantanakuyta pushak, Elizabeth Cabezas, tiyakushkamanta urayakpi tukuykuna kushiyarirka. Mama Josefina, 80 watata charin, paymi imashina killkanata yachachirka, shuk ukllayta kurka, ushnuyta kurka. Kallari tiyarina wachupika, Elizabeth Cabezas warmipak mashikuna tiyakurka, paykunaka Físico Matemáticas yachayta charikkuna karka. Hatun Pushakka Unidad Educativa yachana wasipi kawsashkatami yuyarirka, kallari, pakta yachayta chaypi karka.
MC/pv/jc-kichwa
