Mamallakta Tantanakuypak 510 yupay tantaripi rimanakunaka chusku yuyaykunami kan.
Kay rimanakuyman Elizabeth Cabezas Guerrero, hatun pushak kayarka, kaya 24 puncha, ayriwa, 11:00 sayllata kallarinka.
Kaya punchaka chay Comisión Ocasional de Seguridad Fronteriza tantarita shayachinka, shinallatak Para la Optimización de Trámites kamachiyta arininka.
Shinami kamachiy killkakkuna chay Consejo de Administración Legislativa, CAL, kunan wata, ayriwa killapi, 18 puncha rimashkata atinakunka, chaypika Comisión Especializada Ocasional de Seguridad Fronteriza tantarita shayachina hawami rimanakurka.
Sarun 17 puncha, ayriwa killapi, Mamallakta Hunta Tantanakuy chincha saywa llaki hawa rimarka, chaywan saywata katishpa tukuylla kamana llaktayta sinchiyachinka. Chaypakmi Comisión Especializada Ocasional de Seguridad Fronteriza tantarita wiñachirka.
Kay CAL tantaripak yuyayka, saywa llakita rikuchun minkashka chay Seguridad Pública y del Estado kamachiyta killkanka 90 punchata charin. Kay llankayta rurankapa kamachiy killkakkuna, saylla llaktamanta shamuk kamachiy killkakkunapash kanka. Minkashkakunaman ñami mushuk kallari killkashka saywata kamana kamachiyta kacharka, chay kamachiyta CAL rikushkami kanka. Kayta shuk kamachiyta charina yuyaymi kan.
Imashina kutsiklla katina
Mushuk kamachiypak yuyayka, kamashkakuna, tukuylla kamaywan kimirishpa llankachun yuyaymi kan; runakuna tukuylla maysumak, kutsik, achiklla, llankayta charichun munaymi kan.
Llankay katina tiyarichun kullki
Kay puncha rimanapika hatun kamachikwan mushuk kamachiyta rimanakunkapa allita rikunami kan, chayka kay Instituto Ecuatoriano de Seguridad Social hawami rimana, kikinllatak karupi kamachikkunawan rimanami kan, paykunawan churashka kullkita manu hawami kan.
RSA/pv/jc-kichwa
