Mamallakta Tantanakuyta pushak, Henry Kronfle kay chillay puncha, 17h20 pacha chishipakmi, 886 niki rimanakuypak kayachirka, kaypimi Competitividad Energética kamachiy rurana killkata ishkayniki rimanakuypi riksinkakuna, kay kamachiy rurana killkaka kullkimanta utkashpa rurana shinallakta zirma illayta allichinapak kachashkami.
Henry Kronfle, Mamallakta Tantanakuyta pushakka, Kamachiy awllipi llamkakkuna yachaypi wiñarishpa katichunmi yuyaypaktarin. Kay makipurayka shuk paktana yuyay chayllatak kakpika ñawpakman purina ushashkatami riksichi.
Kay Consejo de Administración Legislativa (CAL) wankurishka, 14 kamachiy rurana killkatami akllarka, Unidad Técnica Legislativa (UTL) tantari riksichishka llamkaywillayta katishpa, kay killkakunataka wiñaypak minkarishkakuna riksishpa allichichunmi chayachirka.
Kay Consejo de Administración Legislativa (CAL) wankuriyka Orgánica de la Función Legislativa kamachiy mushukyachinata akllarka, kaypika Fiscalización Minkarishka llaktay ñawinchiypi paktarina achikyachinata mashkakuna.
81 ari apushitaywanmi, Mamallakta Tantanakuy kay Universidad de Seguridad Ciudadana y Ciencias Policiales Sumak yachanawasita arinirkakuna, kay llamkaywasika kikinmanta, llaktpak hañiwan, kullki wiñariypi mana paktarishpami llamkanka; kikinmanta yachaywan, pushaywan. killkillamkaywan, kikinmanta llaktaywan purinka, kay Mamakamachiypi shinallatak Orgánica de Educación Superior Kamachiypi rikuchishkata katishpa.
Mamallakta Tantanakuypi kay Erradicación de la Violencia y el Acoso en todas las Modalidades de Trabajo kamachiy mushukyachina killkata shukniki rimanakuypi riksirkakuna, kay kamachiiyka Código de Trabajo y la Ley Orgánica de Servicio Público kamachiyta mushukyachin, shinami llamkaypi tukuymanta wakllichiyta shinallatak llakichiytapash harkan anchichinpash, llaktapak shukllapak llamkana wasikunapi.
Kay Competitividad Energética kamachiy rurana killka, kullkimanta utkashpa rurana nishpa chayachishka, zirma illaymanta llamkaykullki llakiyashkata yanapanapak shinallatak zirmata wiñachinapakpash yuyaywan chayachishka, Llaktapak shinallatak shukllapak llamkaypash zirmawan kimirishpa llamkaykullkita rikunata allichinapak chayachishka kamuka Mamallakta Tantanakuypi shukniki rimanakuyta yallirka.
Kay Consejo de Administración Legislativa wankuriy kay Orgánica de Competitividad Energética Kamachiy rurana killkata, kullkimanta utkashpa ruranapak akllashpa, Desarrollo Económico Minkarishkaman allichichun kacharka, Ministerio de Energía y Minas llamkaywasi pushakkuna shinallatak llaktapak llamkana wasi pushakkunapash zirma tantariwan rikuna charikkunapak yuyayta chaskishpa.
Kay Consejo de Administración Legislativa (CAL) wankurika tukuy llamkakkuna arinishkawanmi kay Orgánica de Competitividad Energética kamachiy rurana killkata akllarkakuna, kay killkataka llakik chillay punchami Llakta pushak, Daniel Noboa, kullkimanta utkashpa rurana nishpa chayachirka.