Kay Kamachiy killkakkuna Código de Salud kamachiyta allichishpa tukuchikun, kay Código de Salud 100 nikita rikushkapi mushuk yuyaykunata churanka.
Kay Comisión del Derecho a la Salud minkashka ukupi llankak kamachiy killkakkuna, paykuna samarishka kipa ashtawan allichinka. Kaipaman ña kallari atinakuypak allichishka kanka.
Kay minkashkata pushak, William Garzón, kay samarina punchakunapi, minkashkapi yaykurishka sumak rurakkuna punchanta llankashpa katinka nirka.
Kay punchakunapi rimashka, mushuk kamachiyta ashtawan allichinatami rimankuna; katik unkuyta rikunata, chapanata killkanka; unkuyta charik hampina wasiman chayachun mañashka kanka.
Ista llaktakunamanta yachachinkapa shamuna hawa killkanka; wañushkata rikuna; kari kay, warmi kay hawa killkanka; unkuy hawa taripanka, hampinawasipi yachana; hampimanta ñawparashpa kullkita kuna; harkan, wanachina hawa rimanka.
Kamachiy killkak William Garzón, kay kamachiyka hampina hayñitami paktachin nirka, shinami Mamakamachiypak VII kapaknikipi rimashkata paktachin, Régimen del Buen Vivir ukupi kanka, kay Sistema Nacional de Salud llankayta tiyachirka, kay kamachiyka, kutintak ushaykunata, hampi tiyachun llankayta sinchiyachin, shuyuk runata, tantarishka runata hampiwan yanapanka.
RSA/pv/jc-kixchwa
