"Runa ayllu llaktamantami kani, may sumak llaktami, allpa pachaman wayrata karak "Ecuador Antisuyu" llaktamantami shamuni", punkarata charik llaktami, shinapash kay llaktaka achka wakchayashka ayllukunayukmi kan"
Kayshina rimashpami Mamallakta Tantanakuyta pushak, Guadalupe Llori Abarca, Kay Comisión Interamericana de Mujeres de la Organización de Estados Americanos (CIM-OEA) tantanakuypak killkakamayuk Alejandra Mora Mora runawan, Claudia Martinez warmi, Argentina llaktapak Córdoba markapi ministra pushakwan, Augusto Balderrama runa, Panamá llaktapi ministro de Desarrollo Agropecuario MIDA pushak wan shinallatak Luz Haro, Red Latinoamericana y el Caribe de Mujeres Rurales (REDLAC) killkakamayukwanpash rimanakuyta kallarirka.
Kay tantanakuypi paktarina mashkayka Declaratoria de la Década de las Mujeres Rurales rurarina killkata ayllukunaman suyu llaktakunapura makipurashpa, yanapashka CIM OEA, 2021-2031 killkata katishpa riksichinami kan.
Rimarishpaka, Ecuador Mamallakta Tantanakuyta pushak, REDLAC tantanakuypi, kay 18 puncha karwa killa "Runa ayllu llakta warmikunata riksichik" shutirishka warmika nirkami, llakirishpami willani, kay suyu llaktakunapika warmikunami ashtawan wakchayashka kawsanchik. Guadalupe Llori ashtawan nirkami, kay Instituto Nacional de Estadística y Censos (INEC) tantanakuypak puchukay willaykunapika, Ecuador llakta 2020 watapi wakchakunaka 7 iñu yupaytami mirashka, shinaka 2019 wata puchukaypi 25% paktsakmanta 32,4% patsakmanmi kay puchukay kapak killapi mirashka, shinallatak 2021 watapika kullki paktanapi wakchayayka, 32,2% patsakmanmi mirashka, kitikunapi kawsayka 24.2% paktsakman wakllirishka shinallatak 49% paktsakman ayllu llaktakunapika wakllichishka,
Shinallatak, Guadalupe Llori nirkami, runa ayllu llaktamanta warmikunaka pakta kawsanapak yanapayta mana charinchu, allpa charinapakpash mana paktarinchu shinallatak, kullki mañaymanpash mana yaykuy ushanchu. Ashtawanpash runa ayllu llaktakunapika achka warmikunami mikunapaklla kullkiwan kawsankuna, pakta riksiriytapash mana charinkunachu.
Kayshina kawsayta riksishpami, Mamallakta Tantanakuyta pushakshina REDLAC mañashkaman kimirini, CIM, OEA tantanakuyman wankurishka llaktakunata mañachun, shinallatak kay Suyu llakta Runa ayllukunapak chuka watata shina shutichichun, tukuy kay ruraykunata ista llaktakunapura yuyarinakushkapi, Desarrollo Sostenible (ODS) paktanapi, shinallatak Agenda 2030 killkapipash kimirishpa katichunpash.
Kay ruraykunaka llaktapi alli pushayta wiñachinkapak, shinallatak runa ayllu llakta warmikunapak pakta yanapay tiyanapak, pushak warmikunapak llankayta, rurayta, yuyaykunatapash tantachishka kachunpash riksinapakmi yanapanka.
Luz Haro, RELAC tantanakuypak killkakamayuk, nirkami, kay Organización de Naciones Unidas (ONU) tantanakuyka, Declaratoria de la Década de las Mujeres Rurales killkatami chayachirka, kayshina rura ayllukunata chikanyachishkata tukuchinkapak nirkami.
(SV)
Ashtawan Shuyukuna:
