Paúl Buestán kamachi killkakmi Mamallakta Tantanakuyman shuk mañayta chayachirka, kaypika Sade Fritschi runa, Ambiente, Agua y Transición Ecológica llamkaywasita pushak ñawirichunmi mañarka, Mamallakta Tantanakuyman chayamushpaka kay Olón llakta, Santa Elena markapi wasichinapak arinsihka iñik pankakunata imamanta karashkatami willanka.
Kay 924 niki rimanakuypi, Mamallakta Tantanakuyka, kay Ley de Seguridad Social para la Jubilación Especial para el Cuerpo de Vigilancia de la Comisión de Transito del Ecuador kamachiy rurana killkata shukniki rimanakuypi riksishpa kallarirkakuna, kay kamachiyka kaypi llamkakkuna samakullkita pakta charichun, shinallatak kayshina llamkay chikan kashkata riksishpa shinallatak chikan llamkayta charishkamanta, 25 watakuna chayachishkata yupashpa, mashna wata charishkata mana rikushpa paktarinapak yanapanka, nirka.
Mamallakta Tantanakuyka Derecho a la Salud Minkarishkatami Ministerio de Salud llamkaywasi dengue unkuyta harkanapak, allikachinapak, shinallatak hampinapakpash imalla ruraykuna paktashkata ñawinchiychun minkarka, chaykipaka Sociedad de Lucha Contra el Cáncer (SOLCA), clínicas de diálisis hampina wasikunaman llamkashkamanta kullki chayachikushkata ñawinchiy kallarichun arinirkakuna.
Mamallakta Tantanakuyka kay Ley Orgánica Reformatoria para la Erradicación de la Violencia y el Acoso en todas las Modalidades de Trabajo kamachiy rurana killka allichinaman kachashkatami, tukuykuna allinirka, 120 ari apushitashkawan, allichinaman kachashkata pichkaniki, pusakniki, iskunki. chunkaniki shinallatak chunkaniki shuk killkatami hapirkakuna; shinalltak Mamallakta arinishka killkatapash 101 ari apushitaywanmi kay 1, 2, 7, 8, 10 shinallatak 11 killkata kutinpash arinirkakuna.
Kay Ley de Seguridad Digital kamachiy rurana killkapak llamkaywillayta ayllukunaman riksichishka kipa, Seguridad Integral Minkarishkapi allichishka, llaktapak, shukllapak 30 yalli llamkaywasikuna shinallatak ciberseguridad yachak ayllukuna chaypikashkawan allichirkakuna, Mamallakta Tantanakuyka ishkayniki rimanakuyta kallarirka.
Shuk yuyarina rimanakuypimi kuna puncha Mamallakta Tantanakuyka, 01 puncha wayru killata "Día de la Identidad Montubia Ecuatoriana" nishpa shutichin shinallatak Los Ríos markatapash riksirishpa "Capital Nacional Del Cacao" nishpa shutichirkakuna.
Tukuy chaypikakkunami, 117 ari apushitaywan, Mamallakta Tantanakuymanta shuk yuyarinakushka killkawan Llakta pushak, Daniel Noboa Azín runata, kay Servicio de Acogimiento Institucional de Niñas, Niños y Adolescentes wasikunata utkashpa yanapana nishpa shutichichun shinallatak Economía y Finanzas llamkaywasitapash kullkita pakta chayachichun kayachirka, kayshina yanapaywanka shamuk pachakunapi hayñikuna ama wakllirichun shinallakta llakikunata pakta chimpapuranapak, nirka.
Mamallakta Tantanakuypi chaypikak tukuy kamachi killkakunami. 122 ari apushitaywan, kay Ley para el Control del Espacio Aéreo Nacional kamachiy rurana killkata arinirkakuna, Kay kamachiyka mushuk Mamallakta Tantanakuypak chunka pusakniki arinishka kamachiymi.
Mamallakta Tantanakuyka Fiscalización y Control Político Minkarishkatami shuk yuyarinakushka killkawan Ministerio de Energía y Minas llamkaywasi llaktapi zirma illay llakita chimpapuranapak arinirkakuna.
86 ari apushitaywanmi, Mamallakta Tantanakuyka shuk yuyarinakushka killkata Llakta pushak kay E487 Balbanera - Pallatanga – Cumandá – Bucay – Guayaquil; vía E35; vía E47; vía Calpi – San Juan – El Arenal ñankunata allichinapak kullkita chayachichun kayachin, kayshina mañaytaka llaktayukkuna tukuy llaktapi pakta kacharishka purina hayñita paktachun sumaychachunpashmi kan.
