Tukuy chaypikakkunami, 117 ari apushitaywan, Mamallakta Tantanakuymanta shuk yuyarinakushka killkawan Llakta pushak, Daniel Noboa Azín runata, kay Servicio de Acogimiento Institucional de Niñas, Niños y Adolescentes wasikunata utkashpa yanapana nishpa shutichichun shinallatak Economía y Finanzas llamkaywasitapash kullkita pakta chayachichun kayachirka, kayshina yanapaywanka shamuk pachakunapi hayñikuna ama wakllirichun shinallakta llakikunata pakta chimpapuranapak, nirka.
Kay yuyarinakushka killkawanka Ministerio de Inclusión Económica y Social llamkaywasi pushaktami, utkashpa, paykunatak yuyarinakushka killkawan chayanapak yanapana wasikunapi chaypachallatak yanapachun sinchita kayachin, shina kari warmi wawakunata wamrakunatapash llamkaywasimanta alli paktarichun shinallatak allinta ukllachun yachashka ruraykunata kimichinapak kayachin.
Shinallatak Consejo de la Judicatura tantanakuytapash, Ministerio de Inclusión Económica y Social tantanakuywan makipurashpa, kari warmi wawakuna wamrakunatapash pakta ukllayta kamaykunapi chayachinata taripachun sinchita kayachin. Ashtawanka, iscalía General del Estado, Ministerio de Educación y Ministerio deSalud Pública tantanakuykunapash ruraykunawan chayachunmmi sinchita kayachin.
Pierina Correa kamachi killkak, arininapak yuyarinakushka killkata chayachik, samana wasikunapi imalla rikurishkata yuyachirka, wakchakayta llakichik nishpa shutichinaman chayashka, kay Macas llaktapi shuk warmi wawa wañushkamanta shinallatak kay kay llaktapak Samana Wasipi rikurashkapash.
Kay Protección Integral a Niñas, Niños y Adolescentes Minkarishkakunami kay Macas llaktapi sakirik "Buen Vivir" Samana Wasipi imalla paktashkataka wakinpi wakinpi rikunkakuna, kay wasipi imalla paktarina rikurishkata shinallatak llakichiykuna tiyan nishpa huchachishkatapash riksinapak taripankakuna.
Shinallatak ñawinchinkami, paykuna paktarina ukupi, paykunami warmi wawa A.Y paypak ayllupakman tikranapak yuyarishkata riksichinkakuna, kay panchi killka 2024 watami, kay Unidad de Acogimiento Institucional wasimanta llukshishka kipa wañushka rikurishkamanta.
AM/pv/cg-k
Ashtawan shuyukuna:
