Mamallakta Tantanakuyka Fiscalización y Control Político Minkarishkatami shuk yuyarinakushka killkawan Ministerio de Energía y Minas llamkaywasi llaktapi zirma illay llakita chimpapuranapak arinirkakuna.
Ashtawankarin Llakta pushaktami kayshian llakikunata chimpapuranapakka kullkita utkashpa chayachinapak shinallatak llamkaywasikunata rikuranapak tukuy mutsurishka yanapaywan chayachun kayachirkakuna.
Yuyarinakushka killkataka, Sofía Espín kamachi killkakmi chayachirka, kaywanka Ministros de Energía llamkaywasi shinallatak Finanzas pushakta, CENACE, ARCERNNR pushakkunatapashmi Fiscalización Minkarishkaman kayshina llakikunata ima llamkaykunawan chimpapurakushkata willachun kayachinka.
Ashtawanka, Llakta pushakka zirma wiñachinapi llamkanapak kullkikuna chashkishka mana rikurinchu, kay pichka killakuna llamkaypi kashkawan shinallatak kay Ley de Competitividad Energética kamachiyta arishka kashpapash, zirma wiñachinapak llamkaykunata sinchiyachina munay tiyanmi, kayshina llaktapak llamkaykullkita sinchiyachinapak, llamkaykunata mirachinkapakpash.
Rimanakuypika Sofía Sánchez kamachi killkakka llakta pushakmanta yanapaykuna pakta chayana kan, kayshina llakikunata utkashpa chimpapuranapak shinallatak pachamamata ama wakllichinapakpash.
Paymantaka, Jorge Chamba kamachi killkakka zirma illashkamanta hatun llakikuna rikurinkami nirka, ashtawankarin wakcha runakunapi. Shinallatak utkashpa ruraykunata chayachinamN, Jamington Intriago rimarishkapika llamkakunamanta, tarpukkunamantami willachirka, chaymantami Ministro de Energía llamkaywasi pushak kay “Ley no más Apagones" kamachiy paktakushkata kutichichun kayachirka.
Comps Córdova kamachi killkakka paypak markapi achpa pachakunata zirma illashkata rimarka, kay llaktapika tawka centrales eléctricas llamkaywasikunami tiyan, chaymantami llakta wiñarinapi ashtawan llamkana nirkakuna.
MEV/pv/cg-k
Ashtawan Shuyukuna:
