Mamallakta Tantanakuypi chaypi kak tukuykunami arinirka, 126 ari apushitashkawan, Jahiren Noriega kamachi killkak chayachishka yuyarinakushka killkata, kaywanka LLakta pushaktami kay Sistema Nacional Integral para Prevenir y Erradicar la Violencia contra las Mujeres llikata utkashpa yanapanapak kayachin.
Mamallakta Tantanakuy, kay 913 niki rimanakuypi, Economía y Finanzas; de Agricultura y Ganadería; de Transporte y Obras Públicas; de Salud Pública; y, de la Secretaría Nacional de Gestión de Riesgos Llaktapak llamkaywasi pushakkunata shinallatak Minkarishkakunatapash chaskirka, paykunaka llaktapak markakunapi tamya llakichishkapi imalla llamkaykunawan yanapashpa chayashkatami riksichirkakuna.
Kunan, Guayaquil kiti Casa Legislativa wasi ukupimi, kay Orgánica para la Igualdad Salarial entre Mujeres y Hombres en Ecuador kamachiyta llaktayukman riksichirkakuna. Rimanakuymanka llaktayuk wankurikuna, shinallatak kay llaktapi kari warmi pakta kanapi llamkak ayllukunapashmi chayamurkakuna.
30 kamachi killkakkuna rimarishkawanmi, Mamallakta Tantanakuypak N.º 914 niki rimanakuypi, llakta riksichinapak, llamkayta wiñachinapak; kayachinapak, kullkita wiñachinapak, kullkita mañanapak kullkimanta utkashpa rurana nishpa chayachishka kamachiy killkata shukniki rimanakuypí riksirkakuna.
Kay N.º 912 Niki rimanakuy, Viviana Veloz kamachi killkak pushakushka, Mamallakta Tantanakuyka tukuy chapikakkunami, 119 ari apushitaywan, ey de Cooperación entre Ecuador y la Corte Penal Internacional (CPI) kamachiy killkata arinirkakuna. Kay kamachiyka 2023-2025 wata llamkaypi chunka pichka arinishka kamachiymi kan.
Tantarishpa llakichikta shinallatak llakichik kullkillamkayta waktanapak kashka yuyaykunatami Mamallakta Tantanakuypi, kay Ley de Prevención, Detección y Combate del Delito de Lavado de Activos y de la Financiación de Delitos kamachiy rurana killkamanta shukniki rimanakuypi riksichirka, kay rimanakuyka Régimen Económico Minkarishkapi allichishka llamkaywillay killkapimi paktarirkakuna.
Kay OEA killkakamayuk, Luis Almagro shinallatak Mamallakta Tantanakuyta pushak, Henry Kronfle, shuk llamkay rimanakuyta charirkakuna, kaypika Acuerdo de Cooperación yuyarinakushka killkata shinallatak Mamallakta Tantanakuyta yanapak Plan de Acción killakta Ecuador llakta kimichinapakmi yuyarirkakuna. Kay yuyarinakushka killkataka kulla 18 puncha, ayriwa killa 2024 watami, Mamallakta Tantanakuy ukupi paktarirkakuna, Embajada de Ecuador en Estados Unidos shinallatak Misión Permanente del Ecuador ante la OEA tantanakuy pushakkuna yuyarishkamanta.
Mamallakta Tantanakuyka Llakta pushak kay Ley para la Acción Voluntaria kamachiy rurana killkata allichinaman kachashkata allichirka, kay llamkaywillaytaka Transparencia Minkarishkami allichirkakuna, kay arinishka kamachiyka kamachiy kipuman willarinapak yallinka.
Kay Instituto Ecuatoriano de Seguridad Social (IESS) tantanakuy Pushanapika llamkak killkarishkamanta, samakuk ayllukunamantapash ashtawan ayllukuna yaykunka, kayshina tukuy charishkata pushay achiklla kachun, kaymi hatun yuyay kan Seguridad Social y del Banco del IESS kamachiy mushukyachina ukupika, llaktayukmi mañayta chayachirka, Mamallakta Tantanakuymi kay awkarik puncha arinirka; kay kamachiy rurana killkataka Llakta pushakman chayachinka, paykuna rikushpa allichina tiyakpika riksichichun, nakashpaka arinichunpash.
Mamallakta Tantanakuy, 91 ari apushitaywanmi, Comisión Especializada Ocasional de Economía Popular y Solidaria Kunanpaklla Minkarishkata wiñachishpa arinirka, Ley Orgánica de la Función Legislativa kamachiypak 24 niki killkapi rikuchishkata paktarishpa, kaypika Consejo de Administración Legislativa (CAL) wankuriyta nakashpaka kari warmi kamachi killkakkunatami, ashalla pachapak yachak minkarishkakunata wiñachichun rikuchin, mutsurikpika shinallatak kay yuyaykuna tiyakuk minkarishkakunapi mana rikuy paktarishkatami allinta riksichina kan.
