Mamallakta Tantanakuy, kay 913 niki rimanakuypi, Economía y Finanzas; de Agricultura y Ganadería; de Transporte y Obras Públicas; de Salud Pública; y, de la Secretaría Nacional de Gestión de Riesgos Llaktapak llamkaywasi pushakkunata shinallatak Minkarishkakunatapash chaskirka, paykunaka llaktapak markakunapi tamya llakichishkapi imalla llamkaykunawan yanapashpa chayashkatami riksichirkakuna.
Kay willaypika, Economía y Finanzas Llaktapak llamkaywasita, minkarishka pushakuk, Daniel Falconí, kay 2024 watapi llamkaykullki riksichik pankatami allichishpa llamkakunchik, "Shun hatun llamkay yuyayka Llaktapi pushakkunaman 860 hunu chayachina kipayashka kullkitami riksikunchik, kay 12 puncha Panchi killakama 773 hunu kullkitami chayachishkanchik, kaywanka Llakta pushak chayachina kipayashka kullkimi ashayashka", nirkami.
Kayshina kutichinapak tiyakuy ukupika 400 hunu kullkitami kay tamyapi wakllirishka markakunaman chayachishkanchik. Kay paktaykunapimi Llakta pushakka llamkamushka, kayshuk yanapayka kayshina saywashka llaktakuna mutsushkapimi yanapakunchik,
Shinallatak, Agricultura y Ganadería Llamkaywasipak pushakpak ranti, Francisco Minuche, paypak llamkaywanka tukuy markakunamanmi chayashkanchik, ashtawanka tamyapi wakllirishka ayllukunaman. 7.700 ayllukunami wakllirishka shinallatak tarpukkunapash tukuymanta 4.000 ayllukunami, tukuy chinkarishkapika chusku hunu dólar kullkimi chinkarishka. Ashtawan wakllirishka murukunaka llaru, patas, palanta, sinchi sara, shinallatak chirway, mango, rikuchishka shina, kay Los Ríos, Manabí, Esmeraldas, Santa Elena, Santo Domingo de los Tsáchilas, Bolívar markakunapi.
Paypak manyamantaka, Transporte y Obras Públicas Llaktapak llamkaywasita pushak, Roberto Luque runaka, Mamallakta Tantanakuy 15 kamachiykunata arinishkamanta napashpa kallarirka, tukuymanta tawka kamachiykunaka kullkimanta utkashpa ruranapak kachashkami, llaktapak ñankunata allichinka rurankapash. Llaktapak llamkaywasi pushakka kullkita chayachinapakmi llamkakun, tawka watakunatami ashayashpa shamushka, kunanpika 288 nunu dólar kullkitami charin, kay kullkikunaka Manabí, Esmeraldas llaktata allichinapakmmi kan. "Utkashpa ruranapak kallarishkanchik shinami tamya yallitak wakllichishka markakunapi ñankunata allichinkapak", nirkami.
Chaykamaka Salud Pública, Franklin Encalada, llaktapak hampina wasita pushak, hatun yuyayka llamkaykullkimanta rikunami kan, charinchikmi 270 hunu dólar kullkitami hampikuna rantinapak charinchik, 81% patsakmi tiyakun. Shinallatak hampishpa llamkakkunata, hampina yachakkunatapash kay denge, malaria unkuyta chimpapuranapak yachachik willaytami allichishkanchik, ashtawankarin, chuspikuna mirakta harkanapak, unkushkakunata ashayachinapakpash.
Puchukaypika, Jorge Jaramillo, Gestión de Riesgos Tantanakuypi llakta killkakamayuk, kay Gestión Integral de Riesgos kamachiyta llaktayukkuna 15 watakuna yallita shuyakushkata arinishkamanta yupaychashka kipaka, kay kamachiyka istallaktakuna rikuchishka tupukuna ukupimi, llakichiyta yanapanapak imashina paktarinata rimarka, llakikuna rikurinapak imalla mirachinapak shinallatak llakikuna tiyashka kipa imashina yanapana kashkata rimashpa kallarirka. "Guayas, Los Ríos y Santo Domingo de los Tsáchilas markakunapika 323 charinakunatami ashalla pachakunata kimirinapak charinchik, shinallatak ayllukuna wakllirikpoi utkashpa yanapanapak 60 waranka uchilla kipikunatami charinchik", nirkami.
Llaktayuk rimarinal
Shuktakpika, Vicente Párraga Quiroz, kay Federación de Montubios wankurimanta, tarpukkunapak kawsayka achka llakimi, chaytamantami BanEcuador kullkiwasi uchilla, maltalla tarpuk ayllukunaman yanapaykunata chayachinapak allichichun mañarka, kullkiwan yanapaylla mana paktachu kan shinallatak mañashka kullkimanta wawakullkita, manukullkita 10 waranka dólar kullkita mañashka charikkunapak kunarichunpash mañarka.
Paymantaka, Abel Navas, kay Cooperativa Nacional de Pequeños Agricultores y Afines (CONASA) tantanakuymanta, wasi ayllumanta tarpunakunataka Llaktamantami utkashpa yanapan kan, kashanmi kamachiy rikuchikun. "Llakirinchikmi, kamachiykunata mana paktachinchu chaymantami, mushuk Ley de Desarrollo Integral de la Agricultura kamachiyta allichina mutsurirka". nirkami.
Una vez que el Pleno escuchó a los delegados y titulares de los diferentes ministerios y de las organizaciones productivas, el primer vicepresidente de la Asamblea, Eckenner Recalde, suspendió la sesión 913, cuya reinstalación se convocará oportunamente.
Mamallakta Tantanakuyka pushakkuna willashkata uyashka kipa, Mamallakta Tantanakuypak shukniki kipapushak, Eckenner Recalde, kay 913 niki rimanakuyta harkachirka, kutin rimanakuyta harkachirka, rimanakuyta kutin kallarinapak kayachishunmi nirka.
EG/pv/cg-k
Ashtawan shuyukuna:
