Kay OEA killkakamayuk, Luis Almagro shinallatak Mamallakta Tantanakuyta pushak, Henry Kronfle, shuk llamkay rimanakuyta charirkakuna, kaypika Acuerdo de Cooperación yuyarinakushka killkata shinallatak Mamallakta Tantanakuyta yanapak Plan de Acción killakta Ecuador llakta kimichinapakmi yuyarirkakuna. Kay yuyarinakushka killkataka kulla 18 puncha, ayriwa killa 2024 watami, Mamallakta Tantanakuy ukupi paktarirkakuna, Embajada de Ecuador en Estados Unidos shinallatak Misión Permanente del Ecuador ante la OEA tantanakuy pushakkuna yuyarishkamanta.
Ishkaytikmanta rimanakuypika llaktayuk chaypikanapak shinallatak llaktapi kasiklla kawsanamanta, llikapankapi llamkaymanta, achikllakanamanta, willayta chimpapurachinamanta, willaykunaman yaykurinamanta, ñawinchinamanta shinallatak llaktay willamantami rimarirkakuna; ashtawanka, mashkaykuna shinallatak paktanakunaka Ecuador llakta kay sistema interamericano wankuripi chayanamanta, kay suyu llaktakunapi kamachiy awlli llamkay wasikunata sinchiyachinamantami rimarirkakuna.
Kay OEA Killkakamayukka llaktayukkuna utkashpa chaypikana yuyay allimi nirka, kay XXI patsak watakunaka chaypillatak kuchuyanapak mana harkarishpa paktarinatami mutsun, nirkami.
Paymantaka, Mamallakta Tantanakuyta pushakka llaktayukkuna chaypikanapak chanikunata kuyuchinapak, tukuykuna chayanapak, kimichinapak, achillakanapak, tukuy kanapak shinallatak pakta pakta kanapakmi kan. "Kay cuerdo de Cooperación con la OEA killkata shuti aspishpaka llamkaywasikunata sinchiyachinapak ruraykunatami kallarichinka", nirkami.
Kay Plan de Acción llamkay rikuchik ñan pankapika: kamachiy awllipak ukunmanta llamkayta achikyachinkapak; Mamallakta Tantanakuypi llamkakkunapak ushaykunata shinallatak yachashkakunapash kay política-parlamentaria global, suyullaktapi, llaktapipash llamkaywan paktarinkapak; llaktayukpura, yachachikkuna, shukllapak llamkak shinallatak Mamallakta Tantanakuyta pushakkunapash chaypikanamanta; shinallatak, suyullaktapura llamkayñanta allichinapak kamachiy awlli ukukunapi rimanakushpa paktarinamanta.
