Kay Instituto Ecuatoriano de Seguridad Social (IESS) tantanakuy Pushanapika llamkak killkarishkamanta, samakuk ayllukunamantapash ashtawan ayllukuna yaykunka, kayshina tukuy charishkata pushay achiklla kachun, kaymi hatun yuyay kan Seguridad Social y del Banco del IESS kamachiy mushukyachina ukupika, llaktayukmi mañayta chayachirka, Mamallakta Tantanakuymi kay awkarik puncha arinirka; kay kamachiy rurana killkataka Llakta pushakman chayachinka, paykuna rikushpa allichina tiyakpika riksichichun, nakashpaka arinichunpash.
Kamachiypak puchukay killkataka ishkaypi rakishpami arinirkakuna. Kallaripika, tukuy kamu killkata, kay Disposición Transitoria Tercera Millkata chikanyachishpa, 95 ari apushitaywan paktarirkakuna; shinallatak, ishkaypika, Transitoria Tercera millka killkataka, apushitashpa mana arinirkakuna.
Henry Llanes chayachishka mañaypika, llaktayuk mañashkataka tantachishka, 54.557 ayllukunapak shuti aspishkawan kimichishkapika, Corte Constitucional tantanakuy kay 22 puncha pawkar killa 2016 watapi yuyaypaktarishkatami tantachin, kay mañayka Consejo Directivo del IESS wankuriyman yaykunapak hayñikunata mamakamachiypi rikuchishkata paktachinapak shinallatak chaypi kanapak, kayshina tukuy killkarishka, llamkakunapash chayanapakmi sumaychan.
Chaymantami, Consejo Directivo del IESS tantanakuypi kimsa ayllukunamanta pichka ayllukunaman paktarinata mushukyachin, shinallatak kay Directorio de BIESS pushakkuna kimirinatapash riksichin, kayshina paktarishkawanka killkarishka shinallatak samakuk ayllukunami kayshina pushanapi ashtawan mirarishpa chayankakuna.
Mamallakta Tantanakuyta pushak kimsa shutikuna chayachishkataka 15 punchakuna ukupimi riksishpa allichishka kanka, kallaripi churashka shutika paktami yaykunka, kashnami Derecho al Trabajo minkarishkata pushak, Jonny Terán, willarka, rikuchishpa nirkapashmi Consejo Directivo IESS wankuriman ayllukuna akllanaka munaymanta apushitashkami kanka.
Kay kamachiy rurana killkapi shuktak mashkayka kay instituto asegurador llamkaywasiman Llaktamanta kullki chayachina kipayashkata allichinapakmi, chaypakka Disposición Transitoria millka killkatami kimichin kaywan Economía y Finanzas llamkay wasikuna shinallatak Director General del IESS pushakkunawan kullki chayachinapak yuyaypaktarichun, kay pachakunaka 10 watata mana yallina kanchu. Chayachinapak kullkika LLaktapak LLamkaykullki rikuchik pankapimi kimichishka kanka, kay 2025 watamanta.
Kay BIESS kullkiwasi kallari kullkiwasiman yallinamantaka, Terán runaka nirkami, kay yuyaytaka tukuymantami rikushkanchik, chaykipami kay niki killkata ashtawanpash anchuchinapak yuyarishkanchik, mamakamachiywan ama waktarinkapak, wacharishka yuyayta wakinpi ama wakllichinkapak, nishpaka, kullkiwan llamkaykallarinapak kullkiwasi shina.
Mamallakta Tantanakuypi riksichishka yuyaykunaka, Consejo Directivo wankuriypi kimirishka ayllukunata llaktay chaparay mamakamachiywan waktarimanta, chaypikak tukuykunami kayshina chaparana tiyana kan, Terán nirka.
RSA/eg/cg-k
Ashtawan Shuyukuna:
