Mamallakta Tantanakuyka Llakta pushak kay Ley para la Acción Voluntaria kamachiy rurana killkata allichinaman kachashkata allichirka, kay llamkaywillaytaka Transparencia Minkarishkami allichirkakuna, kay arinishka kamachiyka kamachiy kipuman willarinapak yallinka.
Kay kamachiywanka Ecuador llaktapi ayllukuna shinallatak runa llaktakunapash wankurishpa shinallatak yanaparishpa llamkaytami riksinka, yuyaysaywanka, allikachinka, kuyuchinka, ukllan ka, hawalayachinka, sumaychankapash.
Kayshina llamkaypika, tukuy chaypikak 119 kamachi awllikunami, Mamallakta Tantanakuyka Llakta pushak allichinaman 1, 3, 6, 9,10, 11, 15, 16, 23, 26, 27, 28, 29, 31, 32, 33, 34, 35, 36, 37, niki killkakuna, ishkayniki shinallatak kimsaniki tukuyta rikuchik killka; shinallatak shukniki, ishkayniki puchukay churashka killkata. Shinallatak kallaripi arinishka 2, 4, 7, 17, 19, 20, 21, 24 niki killkata, Shukniki Mañashka killkatami kallaripi killkashkatashina kutinpash hapishpa arinirkakuna
Patricio Chávez, kay Transparencia y Participación Ciudadana Minkarishkata pushak shinallatak kay killkata riksichik, kay minkarishkapika yanapash llamkak ayllukuna Llakta pushakmanta yanapayta pakta chaskichunmi llamkakunchik. "Kay 30% ayllukunanami, mutsushka pachapika, tukuykuna makipurashpa ñawpakman katinapak minkapi llamkakunkuna, nirkami.
Shinapash, nirkami harkaykuna tiyanrakmi shinallatak tukuy yanapashpa llamkakkuna shuk kamachiyta charichun mutsurinmi, ashtawankarin, kayshina llamkak ayllukunapak kawsayta ukllankapak.
Kay rimanakuypika chusku kamachi killkakunami rimarirka, paykunaka yanapana imamanta yuyay paktarishkatami rimarkakuna, kay yanapayka munaymanta, mana kullkita mañashpa, Llaktamanta chikanyashpami paktarin nirkami. chaymantami hayñikunata pakta charina mutsurin, Mamakamachiypi rikuchishkata paktankapak. Nirkapashmi yanapak ayllukunapak llamkayka shukllapak kashkata mana rikuna kanchu, ashtawanpash llaktapak llaktay kashkatami riksina kan, nirka.
Shamuk pachakunapi, kay Ley Orgánica de la Función Legislativa kamachiypak 64 niki killka rikuchishkata katishpa, kamachiy rurana killkataka Kamachiy kipukman willachichun chayachin kan, nirkami.
EG/pv/cg-k
Ashtawan shuyukuna:
