Tantarishpa llakichikta shinallatak llakichik kullkillamkayta waktanapak kashka yuyaykunatami Mamallakta Tantanakuypi, kay Ley de Prevención, Detección y Combate del Delito de Lavado de Activos y de la Financiación de Delitos kamachiy rurana killkamanta shukniki rimanakuypi riksichirka, kay rimanakuyka Régimen Económico Minkarishkapi allichishka llamkaywillay killkapimi paktarirkakuna.
Rimanakuy kallarina ñawpaka, Juan Pablo Castillo, kay Prevención de la Unidad de Análisis Financiero y Económico (UAFE) tantanakuyta pushakmi, kay kamachiypak yuyaykunata willarka, kaypika mana allimanta charinata ñawpashpa rikunapak, mashkanapak shinallatak chimpapuranapak llamkaytami alliyachishun nirka.
Mayhanlla paktarina charishkata, UAFE tantanakuy shuktak llamkaywasikunapi paypak llamkay ukukunata wiñachinapak ushay charishkata riksichirka. Ashtawanka, Consejo Nacional de Coordinación contra el Lavado de Activos y sus Delitos Precedentes, la Financiación del Terrorismo y de la Proliferación de Armas de Destrucción Masiva denominado (CONCLAFT) wankuriyta wiñachin shinallatak kay Grupo de Acción Financiera Internacional (GAFI) wankuripakpash katina 40 yuyaykunata wiñachin.
Nathaly Farinango kamachiy killkak, kay Régimen Económico Minkarishkata pushak shinallatak llamkaywillay killkatapash riksichik, kay kamachiyka llakimanta charinakunata harkanapak, katiranapak shinallatak chimpapuranapak hayllikunatami wiñachinka; UAFE wankurita sinchiyachinka shinallatak llaktapak 17 llamkaywasikunawan tinkichinka. Ashtawanka, GAFI wankuriy rikuchishkata, istallatapura yanaparinata, UAFE wankuriman willay chayachina mirachishkata, kipíta rikuk pushakkunaman shuk ayllu llaktaman yaykukpi llukshikpipash kullita, kurikunata, chukikunata, nakashpaka kuri rumitapash chunka waranka dolár yalli chanikakpika willanapakpash hapin.
Kay kamachiywanka tantarishpa llakichikta shinallatak llakichik kullkillamkaytapash sinchita waktashun, kay Ecuador llaktapika yuyanmi 3.500 hunu dólar kullki mana alli charinaman yaykushkata.
Rimanakuypika, Cristhian Vega runaka llaktapak tawka llamkaywasikunapi mana allimanta charinata rikuk ukuta wiñachina allimi rikurin nin. María Mercedes Erbs runaka kay kamachiyka shuk kamak hillaylla mana kanchu, ashtawanpash kallari yuyaykunata rikuchikmi kan nirka. Jorge Álvarez runaka kay Ecuador llaktaka tukuyshina wakllichinapak rikushkami kan, mana allimanta charinapi shina, umachinkachinata apanapak llakta kashkamanta shinallatak istallaktapi llakichiykunawan. Manuel Bohórquez runaka llakimanta charinami llaktayukkunata shinallatak kullkillamkaytapash wakllichinapak rikurikun, kunkariyman pushashpa shinallatak llamkaywasikunatapash wakllichikun.
Ramiro Vela Jiménez runaka Ecuador llaktaka kayshuk llaktakunamanta ashtawan llakimanta charinata charikmi rikurin. Adrían Castro runaka CONCLAFT wankuripi kimirishka ayllukunata ashayachinapak mañarka, fundaciones tantarikunatapash kullkimanta mana llamkak shuti killkapi kimichina shinallatak UAFE pushakta akllanatapash rikurana. Manuel Montoya runaka ingenieros civiles shinallatak arquitectos yachakkunatapash willanata charikkuna nishpa kimichinapak mañarka.
Shuktak rikuchiykunapika: mana allimanta paktashka kullkikunata chaparanapak; UAFE wankuri willashka shimikunata paktanapak; CONCLAFT wankuriyta tantachinapak; kullkiwan llamkak wasikunata ashtawan chaparanapak, willaykunata chimpanchinatak kashkata; llaktapi pushakkunawan makipurashpa llamkak fundación tantanakuykunata taripana; shinallatak, CONCLAFT tantanakuypi Mamallakta Tantanakuymanta minkashkata kimichinapak. Shinallatak, María Teresa Pasquel, Pedro Velasco, Fernando Jaramillo, Celestino Wisum, Camilo Salinas kamachi killkakkunami rimarirkakuna.
Viviana Veloz kamachi killka, kay rimanakuyta pushakuk, kamachiy rurana killkamanta shukniki rimanakuyta wichkarka shinallatak killkata ashtawan allichirishpa katinapak Régimen Económico Minkarishkaman tikrachunmi mañarka.
AM/pv/cg-k
Ashtawan Shuyukuna:
