Mamallakta Tantanakuyta pushak, Henry Kronfle kay No. 890 niki rimanakuypi, José Luis Calderón runa, TC Televisión willachikman shuk Acuerdo Legislativo yuyarinakushka killkata chayachin, kaypika sinchita paktarishkatami tukuy willachikkunaman, yachakkunaman, ushakkunamanpash kay willachina antapi paktarishkamanta riksichin, paykunaka llakichikkuna llamkaypi wakllichinaman yaykushkata chimpapurashkamanta, chaypachallatak llamkakukpi kay 9 puncha kulla killa yaykurishkamanta.
Mamallakta Tantanakuypimi shukni rimanakuypi llamkarkakuna, kay kamachiy rurana killkawanka illapakunata, tukyanata, hillaykunata, shinallatak illapata charinapak rikuranapak, rurayta chapanapak, ista llaktamanta apamunapak, llaktaman chayachinapak, purichinapak, ista llaktaman kachanapakpak, mintalanapak, apanapak, wakichinapak, charinata arininapakpas rikuchinka.
Kari warmi chayshinallatak llamkayta rurakpi chayshinallatak llamkaypika llamkaykullkita shinallata shuktak chanikunatapash pakta pakta chayachinapak rikunka, kari warmi kashkata mana chikanyachishpa, kaytami Ley para la Igualdad Salarial entre Mujeres y Hombres kamachiyka rikuranka, killkaka Kamachiy Kipuyman chayashka kan, Mamallakta Tantanakuypi Llakta pushak allichinaman kachashkata rikushka kipa.
Henry Kronfle Kozhaya, Mamallakta Tantanakuyta pushakka kay 2023 –2025 llamkayñanta arinirka, kayshina allichinapika Consejo de Administración Legislativa wankuripi llamkakkuna , yachak minkarishkata pushakkuna, llaktay wankurimanta minkarishakkuna, Kamachiy Awlli ukupi llaktay tantanakuykuy pushakunami kimirirka, kay Ley Orgánica de la Función Legislativa. kamachiypak 28 yupay killka, 12 niki killakta rikuchishakta katishpa.
Wanra pushka kay 10h00 pacha tutamantapakmi, Mamallakta Tantanakuypak No. 888 niki rimanakuy paktarinapak kayachishka kan kaypika Ley Orgánica para la Igualdad Salarial entre Mujeres y Hombres kamachiy rurana killkatami allichinkakuna, shinallatak Ley Armas, Municiones, Explosivos y Accesorios kamachiy ruranalla killkata shukniki rimanakuypi riksinkakuna.
Kay Consejo de Administración Legislativa (CAL) wankuriyka Ley Orgánica para enfrentar el Conflicto Armado Interno, la Crisis Social y Económica kamachiy rurana killkata allichinapak akllarka. Kullkimanta utkashpa ruranapak kamachiytaka Desarrollo Económico minkarishkami riksinkakuna.
Kay kamachiy kipukpi willachishka kipaka, Ley de Competitividad Energética kamachiy Mamallakta Tantanakuypi 131 ari apushitaywan arinishka, llaktapi paktarinaman yaykurka. Mamallakta Tantanakuyka ñami pusak kamachiyta arinin. Kaywanka zirmata ashtawan alli charinapak, zirmata kikinmanta wiñachinata munachinapakmi shinallatak llaktapi zirma illashkata chimpapurankapak
Mamallakta Tantanakuyta pushak, Henry Kronfle kay kullka puncha, 09h00 tutamantapakmi, 887 Niki rimanakuyman kayachirka, kaypika Tratado de Libre Comercio con la República Popular China y de la Convención Marco de la Organización Mundial del Turismo sobre Ética del Turismo killkata arininapak rikuchishka llamkaywillayta rimanakunkakuna.
Kunanpi llakta kawsakuypi wañushka ayllukunamanta yuyarishpa shuk chiniku upallaywan yuyarishka kipa; chaypikak tukuy 135 ari apushitaywanmi, Mamallakta Tantanakuyka llakta kasiklla kawsanapak Llakta pushak llamkay kallarishkaman, shinallatak Fuerzas Armadas, Policía Nacional tantanakuykunapash paktarikushkaman kimirirkakuna; paykunaka mamakamachiypi rikuchishkata katishpami hayñikunata ukllanapak, kacharishpa paktarinapak shinallatak llakta ayllukunata sumaychanapak tukuy mutsurishkawan paktarikun, paykunaka kamachiiykuna rikuchishkata karishpami llaktayuk ukllaypi paktarinka, nirka.
Mamallakta Tantanakuypi, 131 ari apushitaywan, kay Ley de Competitividad Energética kamachiyta arinirkakuna, kullkimanta utkashpa rurana nishpa chayachishka, kaywanka zirma illayta allichinapak kimsa hatun yuyaykunatapi riksichishkami: kullkiwan llamkanapak; chuya zirmata wiñachinapak; shinallatak, kaypi llamkakkuna pakta kachunpash rikunapakmi. Kunankpi llamkay pushakuypi arinishka pusak kamachiymi, kay yallik 13 puncha wayru killa 2023 wata llamkay kallarishka.