Kunanpi llakta kawsakuypi wañushka ayllukunamanta yuyarishpa shuk chiniku upallaywan yuyarishka kipa; chaypikak tukuy 135 ari apushitaywanmi, Mamallakta Tantanakuyka llakta kasiklla kawsanapak Llakta pushak llamkay kallarishkaman, shinallatak Fuerzas Armadas, Policía Nacional tantanakuykunapash paktarikushkaman kimirirkakuna; paykunaka mamakamachiypi rikuchishkata katishpami hayñikunata ukllanapak, kacharishpa paktarinapak shinallatak llakta ayllukunata sumaychanapak tukuy mutsurishkawan paktarikun, paykunaka kamachiiykuna rikuchishkata karishpami llaktayuk ukllaypi paktarinka, nirka.
"Llaktapak Ushay illakka llakta illaklla" Mamallakta Tantanakuyta pushak, Henry Kronfle, nirka, payka kayshina yuyarinakushkawanka Decreto 111 niki killkata shinallatak Fuerzas Armadas, Policia Nacional tantanakuykuna paktarikushkatami yanaparinchik, Ashtawanka, kay rimanakuypi 11 kamachi killkakuna, tawka wankurimanta kaypi rimarirkakuna.
Kay mushuk Mamallakta Tantanakuyka Ecuador llakta ayllukunamanmi kayshina llakikuna, atirinakuy, salchay, shuway, wañuykunapash tiyashkamanta, llakikuna rikurishkamanta nanariyta riksichirka.
Shinallatak, Ecuador llakta pushakta yanapan paykuna kay Ley de Seguridad Pública y de Estado kamachiypak 6 niki killkata paktarishpa shinallatak COSEPE wankuriypash pakta rimanakuypi yaykuchun kaypi llaktaykunata, llamkayñanta shinallatak tukuy llaktapi wichkana uku llakita ashayachinapak, kayshina llaktapi sinchi chimpapuraypi kawskushkamanta.
Mamallakta Tantanakuyka Llakta pushakpak llamkayta kipaka Llaktayuktami kayachirka, tukuy yuyaysapa llamkayta, ruraykunata, mashkayta shinallatak Fuerzas Armadas, Policía shinallatak shuktak tantanakuykuna paktarishkata yanapachun sumaychachunpash kayachirka, paykunapak minkashkata paktashpa.
Ecuador llakta ayllukunawan makipurashkata kutinpash riksichirka shinallatak llaktayuk kasiklla kawsachun kamachiykunata shinallatak ayllukuna kasiklla kawsanapakpash kamachiy ruranata alli paktarinapak kayachirka, ashtawanka kay COIP kamachiy, Ley de Garantías Jurisdiccionales y Control Constitucional kamachiykuna mushukyachinapak chayachishka killkakunata tantachishpa rikunapakpash kayachirka.
Puchukaypik,a Llaktapak llamkaywasikunata, GAD tantarikunata, llaktay wankurikunata, ayllukunata, llaktayukkunata, shukllapak llaktapakpash llamkaywasikunatami makipurashpa paktarinaman kayachirka, tukuykuna shukllashina llakikunata wañuchiykunatapash sinchita chimpapurankapak, nirka.
AM/pv/cg-k
Ashtawan shuyukuna:
