Wanra pushka kay 10h00 pacha tutamantapakmi, Mamallakta Tantanakuypak No. 888 niki rimanakuy paktarinapak kayachishka kan kaypika Ley Orgánica para la Igualdad Salarial entre Mujeres y Hombres kamachiy rurana killkatami allichinkakuna, shinallatak Ley Armas, Municiones, Explosivos y Accesorios kamachiy ruranalla killkata shukniki rimanakuypi riksinkakuna.
Llamkaykullki kari warmipak pakta kachun shinallatak chikanyashka ashayachunmi mashkakun shinallatak tukuyshina llamkaypipash kari warmi chaypi kakpika chayshinallatak llamkaykullkita pakta chayachichun sumaychanka, shina pakta pakta kari wamipash chayshina llamkaypi kashpaka kachun.
Kay 28 sasi killami Mamallakta Tantanakuyka tukuy kamachi killkakkunawan kamachiy rurana killkata arinirkakuna, kay killkaka 26 puncha yallik kapak killami Llakta pushak riksishpa rikuyta chayachishka karka. Kay Derecho al Trabajo Minkarishka, allichinaman kachashkata rikushka kipa, Mamallakta Tantanakuyman kay allichinata arinichun nishpa riksichishka, shinapash kay 1, 2 niki killkakunata chikanyachishpa, pikuna pushanata rikuna killkata, kaypika Llakta pushak, Daniel Noboa, chayachishka killkakunapi.
Shuktakpika, Ley Armas, Municiones, Explosivos y Accesorios kamachiy rurana killkapika illapakunata ruranapak, istallaktamanta apamunapak, istallktaman katunapak, mintalanapak, wakichinapak shinalaltak illapa charinapak killka chayachinapak shinallatak llaktapak tantanakuykuna llamkaywasikuna; ayllukuna tantanakuykunapash mutsushpa charinapakmi rikunka.
Kay Soberanía y Seguridad Integral Minkarishka allichishka llamkaywillaypika llaktayukwan llamkashpa yuyay tantachishkatami charin, shinallatak ayllukuna, tantanakuykuna, Llaktapak llamkaywasi pushakkua, llaktapak shukllapak tantanakuy pushakkuna, yachachikkuna, illapamanta, tukyanamanta riksikkuna yuyay chayachishkatami kimichiska kan.
PV/cg-k
