Mamallakta Tantanakuypi, 131 ari apushitaywan, kay Ley de Competitividad Energética kamachiyta arinirkakuna, kullkimanta utkashpa rurana nishpa chayachishka, kaywanka zirma illayta allichinapak kimsa hatun yuyaykunatapi riksichishkami: kullkiwan llamkanapak; chuya zirmata wiñachinapak; shinallatak, kaypi llamkakkuna pakta kachunpash rikunapakmi. Kunankpi llamkay pushakuypi arinishka pusak kamachiymi, kay yallik 13 puncha wayru killa 2023 wata llamkay kallarishka.
Valentina Centeno, kay Desarrollo Económico Minkarishkata pushak llamkaywillayta riksichikka, zirma illaymanta amsayayta anchuchinatami mashkakun. "Kay kamachyka zirmata pakta charinapak, kikinmanta zirmata wiñachikman kullkiwan yanapashpa llamkaypi munachishpapish paktarinapakmi tixiñanta churan", nirkami.
Kay kamachiyka llaktayukman pakta zirma chayanatami kallaripi churan, shinallatak kawsaymanta sakirishkawan zirma wiñachinatapashmmi rikushpa yanapanka. nin.
Kay kamachiy rurana killkapika zirmawan kuyurik antawakunata riksin, kaypika zirmawan purik antawankunataka zirmapi mishanakuk nishpa riksishka mana kankachu. Ashtawanka, kikinamanta yanaparinatapash riksichin, shinaka puchukaypi yanaparikta shinallatak wasipi kawsakkuntapashmi kayshina llikapi kimichin, kamayta yanaparinapak pakta churashpa,
Rimanakuypikuna 11 kamachiy killkakkunami paktarirka, paykunaka kamachiy rurana killkaman kimirirkakuna, shinallatak zirmata shukllapak llamkak wasikuna chayarinamantami ashtawan rimarirkakuna, shinallatak paykuna llamkakushka pachakuna puchukakkpika tukuy charishkakuna Mamallaktachiyman nima kullkita mana mañashpa tikrana kashkatami rimarirkakuna.
Shinallatak, kay kamachiyka mamallaktapak kullkillamkaypi yanapaklla mana kanchu, ashtawanpash tixsiyay mutsuykunata kutin charinapak, Ecuador llakta ayllukunapak llamkay ama shayarichun, ashtawanpash, llaktakunapi kullkillamkay sinchiyachun.
Kay arinishka kamachiy killkataka Daniel Noboa Azin llakta pushakman chayachishka kanka, arinichun nakashpaka allichinapak riksichichunpash.
EG/pv/cg-k
Ashtawan shuyukuna:
