Kay Ley de Seguridad Digital kamachiy rurana killkapak llamkaywillayta ayllukunaman riksichishka kipa, Seguridad Integral Minkarishkapi allichishka, llaktapak, shukllapak 30 yalli llamkaywasikuna shinallatak ciberseguridad yachak ayllukuna chaypikashkawan allichirkakuna, Mamallakta Tantanakuyka ishkayniki rimanakuyta kallarirka.
Kay kamachiyka 90 niki killkatami charin kaypika Mamallaktapak llikapankakunata ciberamenazas llakikuna tiyakpi rikushpa harkanapakmi yanapan.
Kay kamachiyka llikapankapak ukutixikunata wiñachishpa llakichiykunata shinallatak wakllichiykunatapash wiñachinapakmi yanapanka shinallatak Sistema Nacional de Seguridad Digital llikatapash wiñachin, kaypika ciberseguridad, ciberdefensa, ciberinteligencia y ciberdiplomacia paktaykunami tiyanka.
Rimanakuy kallarinapak ñawpaka, llaktayuk chaypikanapika, kamachi killkakkunaka Andrés Borja, Diego Álvarez shinallatak Fabián Íñiguez runakuna, ciberseguridad, big data y nuevas tecnologías yachak runakuna willashkatami uyarkakuna. Kaypi ñawirikkunaka Ecuador llakta wamra ayllukunapak llamkayta wiñachinapak allimi kan nirkakunami.
Andrés Borja yachak runaka ninmi, Organización de Estados Americanos (OEA) tantanakuy rikuypika, Latinoamérica suyu llaktapika 750 waranka llamkaykunami tiyan kayshina ciberseguridad yachayta riksikkuna mana tiyashkamanta.
Nirkakunapashmi kay bog data ukllana anchami mutsurin kaypi yaykurishpa llakichiiyka kay suyu llaktakunapika 358% paktami pandemia punchakunapi mirarka. "Ecuador llaktapika shuk kamachiy tiyanami mutsurin kayshina ciberseguridad tiyachun shinalaltak llikapankapi tiyashkata wakichichunkapash", nirkakunami.
Rimanakuykuna puchukashka kipa. Mamallakta Tantanakuyta pushak, Henry Kronfle, rimanakuyta harkachirka, shamuk pachakunapi kutin kayachishun nishpa willarka.
CV/pv/cg-k
Ashtawan Shuyukuna:
