Kay Congreso de Guatemala Tantanakuy rimanakuyman kay 7, 8 pawkar killa kayachishkamanta, ishkayniki Foro Parlamentario de Inteligencia y seguridad rimanakuy paktarirka, kay llamkaypika Dina Farinango kamachi killkak, PARLATINO Pataku rimanakuypi kayshuk kamachikillkak shina llamkakmi chaypi karka.
Kay Hatun rimanakuypika, Guatemala llakta pushak, Alejandro Gianmattei runami, kay awaki 07 puncha pawkar killa llamkayta kallarichirka, kaymanka tawka llaktakunamanta kamachi killkakkuna, kamachi awllikuna shinallatak senadores runakunapash chayamurka, kaypika llakta kasiklla kawsanapak yuyaykunatami rimanakurkakuna.
Pakalla shuway shinallatak istallaktamanta tantanakuy llakichik, kullkillamkay manchanay ruraywan mirashka, llakichishpa mintalay, mintalaypi kimirishpa mapa kullkita chaskiy, istallaktamana imapipash kullkillamkay, ayllukunata pakalla pushay shinallatak llakichishpa killkillamkaypash; llikapankapi manchachiy wiñaymanta, llakichik tantanakuykuna munachiykunapash, kunanpi manchachiykuna shinallatak pushakkuna paktakaypash, criptomonedas, Stablecoins shinallatak CBDCs, kay ciberseguridad kati chaparana, kay yuyaykunatami rimarirkakuna.
Shuk rimanakuypika Ley Modelo para Combatir el Comercio Ilícito y la Delincuencia Transnacional Organizada kamachiymanta rimanakurka, kaypika senadora Silvia Giacoppo, kay PARLATINO tantanakuypak kayshuk killkakamayuk, Werner Ovalle, intendente de Aduanas de Guatemala pushak shinallatak Centroamerica suyullakta kamachiy awllikunapash chaypi karkakuna.
Kay suyu llakta hatun rimanakuyka Parlamento Latinoamericano y Caribeño PARLATINO tantanakuy yanaparka, shinallatak Panamá llakta pushak, Crime Stoppers Internacional tantanakuy yanapashkata charirka.
Istallaktapi warmipak puncha
Kay Istallaktapi Warmipak puncha ukupika, Mesa Directiva del PARLATINO tantarishka Abya Yala suyu llaktamanta 50% kamachi killkakuna chaypi kashkami hatun riksinka kan.
Ka Pataku Rimanakuyka kayshinami tantarishka, kayshin minkarishka ayllukunawanpash, kaypika COVID-19 pandemia unkuyta rimanakurka. Kay llamkaypika, Dina Farinango kamachi killkakka kay ancha unkuy ishkay wata llakita llakichishkawan kay tukuy suyu llaktakunapi llamkayta imashinalla allichinapak kayachirka.
